Natorre Mit́ Ạdibạsi Kuṛi Gidrạko Ạtkirkedea Badmas Koṛako

Natorre Soṅkorbhag reaḱ Ạdibạsi ṭola khon mit́ kuṛi gidrạko ạtkirkede me̠nte baḍae ńam akana. Noa ghoṭna khạtir calaoen Sonibar Nator Sodor thanare uni kuṛiren apat́tet́ do̠e nạliskeda. Aḍepaseren hoṛko lạikeda, aema din khonge uni badmas koṛa do̠ uni kuṛi gidrạye jalaode kan tahẽkana. Calaoen Sokolbar ńindạ oṛaḱ khon bahre ṭanḍitey oḍoken khan pea são gọṛoko soṅge kate uni kuṛi gidrạ do̠ko ạtkirkeda. Nator Hindu mohajotren sadharon sompadok Debashis Kumar Sorkar do̠e me̠nkeda, thoṛa din laha khonge Hindu kuṛiko jalao, Dulạṛ nạ̃ṛite jhạlikate dhorom bodol ocoko, ar ona kạmi baṅ purạulen khan ạtkir se̠ kombṛo lekan bạṛić ghoṭna do̠ ghoṭaḱ kana. Jor kateć e̠ṭaḱ ṭhạ̃i idikate bapla daṛeae khane ar onkan kuṛi gidrạ do̠ ako Hidu sãotare ar bako rakaṕet́koa. Thoṛa din tayom uni kuṛi hõ koṛawaḱ gharońj khonko laga giḍikae kana. Noate sãotare ńe̠lo̠go̠ḱ kana aema lekan be̠colaḱ ko . Nonkan dosa je̠mon baṅ hoyoḱ ona lạgit́ jo̠to̠ hoṛ jagwar tahẽno̠ḱ lạgit́ uni do̠e me̠nkeda. Ona se̠le̠t́ ạḍi usạra ạn reaḱ goṛo hataokate uni kuṛi gidrạ sendra ńame reaḱ nẽhõre do̠ho̠ akada. Nator ren Polis Super Liton Kumar Saha do̠e me̠nkeda, khobor ńam torage ale do̠ usạra jo̠to̠aḱle bo̠ndo̠bo̠ akada. Usạra ạn reaḱ kạmi ho̠ra lekate ale do̠ nui kuṛi gidrạle sendra ńamea me̠nteń aso̠ḱ kana.

Source – Alokitobangladesh

Naogaon Re Ạdibạsi Kuṛi Gidrạ Konac Khạtirte Gereptarena Mit́ Hoṛ

Naogaon Niamatpurre mit́ ạdibạsi kuṛi gidrạ (12) konackede khạtir bhen caḱlaoić Anarul Islam (45) ńutuman mit́ hoṛko gerepterkedea Polis. Uni do̠ Paṛoil Union ren Bandoil atoren goćakan – Tajuddin ren hopon kanae. Arhõ ona atoren bar koṛa do̠kin dạṛ akada, mit́ do̠ Batul re̠n koṛa Arif (35) ar mit́ do̠ Rohim Uddin ren koṛa Yunus.

Sonibar 24 July ńindạ 8 baja okte Upạjilạ Paṛoil Union reaḱ Madhoil Mohapaṛa pạchim re̠ khạṛi aṛere 40 bighạ ul bagan ṭoṭhare noa ghoṭna do̠ hoyakana. Noa ghoṭna report ol dhạbịć mamla re̠aḱ sapṛaoḱ calaḱkan tahẽna ar Senior Assistant Polis super ( Manda Circle) Motiar Rahman ar Niamatpur thana ren officer incharge Humayun Kobir do̠ ghoṭna hoyakan thạ̃ikin ńe̠l ạgukeda. Ona ṭoṭharen hoṛko ṭhen khon baḍae ńam akana, uni ạdibạsi kuṛi gidrạ do̠ Rosulpur Union reaḱ Nimdighi ạdibạsi atoren kanae. Uni do̠ un hiloḱ tikin 1 baja okte Gangor bajarre Anarulaḱ bhen re̠ dećkate ako sor ato Ghughudanga aćren kuṛi boehawaḱ oṛaḱ calaḱ lạgit́e oḍoḱlena. Me̠nkhan uni bhen caḱlaoić Anarul do̠ lockdown re̠ Polis koaḱ katha me̠nkate aema ḍahar sećte ạcur ạcurte ńaham ńuhum 7 baja okte Madhoil Mohapaṛa gaḍa cetan bridge ṭhene ạgukedea. Uni bhen caḱlaoić do̠ uni kuṛiye metadea, je̠ khạṛi taṛam parom kate taṛamte am boeha takoaḱ oṛaḱ calaḱ hoyoḱa me̠nte 40 bighạ ul bagan bhitriteye idikedea. Onḍe do̠ ona ul bagan horhokin ( Caretaker) Bandoil atoren Arif (35) ar Yunus kin tahẽkana. Ńindạ 8 baja okte bhen caḱlaoić ar Arif pạripạritekin konackede khan bo̠to̠rte uni do̠ bae kikiạu daṛeaḱte ńindạ amdaj 11 khon 11 baja okte onḍe khon jãhãlekate Bandoil ato seć uluṅge tahẽkateće dạrkeda. Un okte ḍaharrey ạcur baṛaekan tahẽkan Bandoil atoren Imran uni kuṛi do̠e ńe̠l ńamkede khan ona atorenge Jobed Ali ren koṛa Jonab Aliwaḱ oṛaḱteye idikedea. Onḍege uni kuṛi gidrạ do̠ kićrićko̠ ho̠ro̠ḱ ocokate onḍegeko do̠hokedea. Atoren 10/12 goṭen hoṛko soṅge soṅge onḍeko senen khan Anarul ko saṕkede rehõ Arif ar Yunus do̠kin dạrkeda. Ńindạ 1 baja okte thanare polisko̠ baḍae ocoket́ko khan Polis hećkate uni kuṛi gidrạ ar bhen caḱlaoić Anarul bańcaokate thanako idiket́kina. Noa babotre thana officer Incharge Humayun Kobir do̠e me̠nkeda, So̠mbad ńam sãote victim ko bańcaokedea ar asami do̠ko gerepter akadea. Noa ghoṭna são jopoṛao me̠naḱkin arhõ bar hoṛ do̠kin dạr akada. Aḍi usara unkin hõ ko giripterkina ar ạn lekate unkinaḱ bebosthako̠ hataoa.

Source: punakhabar

Jatiyo Biswabidaloy (National University) Re̠ B.A Pạhil Serma Reaḱ Kelas Re̠ Vorti Ehoboḱ Kana 28 July

Jatiyo Biswabidaloy (National University) reaḱ 2020-21 siknạt sermare pạhil serma reaḱ B.A kelas re̠ vorti lạgit́ Online re̠ pạhilte ardas ehoboḱ kana 28 July khon. Teheń Biswabidaloy reaḱ mit́ dhạrwaḱ re̠ me̠n akana, noa vorti kạmihora do̠ 28 july ạyuṕbela 4 baja

Khon ehoṕkate 14 August ńindạ 12 baja hạbić calaḱa. Arhõ, Honors pạhil sermare vorti akan pạṭhuạkoaḱ Online kelas do̠ 15 September khon ehoboḱa. Vorti ko̠ me̠ne̠t kan pạṭhuạko̠ do̠ Jatiyo Biswabidaloy vorti babotre website khon ardas form hatao kate purun jạruṛa. Pạhilte ardas fee College re̠aḱ niṭ akat́ Banking hotete 16 August bhitrire joma e̠m hoyoḱa. Noa babotre khulạte kho̠bo̠r ńamoḱa Biswabidaloy vorti babotre website (www.nu.ac.bd/admissions) khon. Calaoen 12 July 2020-21 siknạt sermare vorti committee sobhare noa goṭa katha do̠ hatao hoeakana. Noa sobhare sobha mukhiạ hisạbte kathae roṛkeda Jatiyo Biswabidaloy re̠n upacharjo Professor Dr. Md. Mushiur Rahman. Noa okte Ko̠ro̠na khạtir sessionjot ko̠m ạgui lạgit́e me̠nkeda. Uni do̠ noa okte pạṭhuạkoaḱ muhim cabae lạgit́ ạḍi usạra Academic calendar benao lạgit́e hukumat́koa. Noa são jopoṛao me̠naḱko sanamko ko̠ro̠na mãhãmạri babotre jo̠to̠ sasthobidhi se̠ hoṛmo hạṭiń re̠aḱ ạn ko̠ manao kate noa vorti kạmihora Online hotete hõe puḱrạu lạgit́ me̠n akana.