Ipil
Bạnuḱa rimil sermare teheń
Ńindạ cando hõ bae rakaṕ teheń
Lip lipạuḱ kanko ipil eken,
Onkote serma mońjge sajaoen,
Serma sareṛko tase akana !
Ńelkote jotobo rạskạḱ kana!
Ḍunuć ḍunućako ibil ibil,
Lạṭu ńoḱgeako adom ipil.
Cumkạḱ cumkạḱako oka oka ṭhen,
Pante akanako jãha jãhã sen;
Hante nhate adom eskar eskar,
Guṭek utạr onka beggar beggar.
Mạli saṕkate kuṛi gidrạko,
Ńel hohor leka ạyuṕ peṛako;
Raskạḱ gidrạko uduḱako kan,
Turạ̃t marteko hape godoḱ kan,
Ạḍi hahaṛako ṭarhao akan,
Okoe hõ baṅ coko tapakić kan !
Okoe sirjạuket́ko unạḱ saṅge !
Joharae kạnạń uni isorge.