JIWI AYUṔ RE

Jiwi mucạt́ ạyuṕ o̠kte

Iṛijoḱ jiwi bạti

Calaḱ so̠mo̠e baṅko hoyoḱ

Nut ńindạ reń gate.

Baṅ bahaḱ hạriạṛ dare

Rohoṛoḱa cur-mur

Rasa sendra baṅko hijuḱ

Ńeleko ar dumur.

Dare jo̠kho̠n goć calaḱa

Daḱ bae dula mạli

Jiwi mirue uḍạu calaḱa

Khańca tahen khạli.

Hạriạṛ cẽṛẽ uḍạu calaḱ

Tahẽn eken hoṛmo,

Aḍe pase peṛa-poṛosi,

Rag arko homo̠r.

Dis hudis marshal ḍahar

Nut baṅ tahen hor re,

Cando ńutum roṛ disại bon

Baṅkhan sanam eṛe.