Day: January 27, 2021 - The Santals Times

Mõṛe ho̠ṛko hatao̠ ke̠da Korona ṭikạ Diso̠mre̠ maraṅ mũhim korona bhairas (covid-19) ṭikạ e̠mo̠ḱ re̠aḱ kạmi ho̠ra do̠ e̠ho̠ṕ akana. Budbar 27 January ạyuṕ be̠r Raj-Naṅgraha Kurmiṭo̠la Je̠narel Haspatalre̠ ṭikạ e̠mo̠ḱ re̠aḱ kạmi ho̠ra doe̠ uchạn ke̠da diso̠m re̠n Maraṅ Montri (ạyurić) Sheikh Hasina. Pạhil rẹ ṭikạ do̠e̠ hatao̠ ke̠da Kurmiṭo̠la Je̠nare̠l Haspatal re̠n senior staff nurse Runu Veronika Kosta. Inạ tayo̠m Ḍaktar hisạbte̠ pạhil ṭikạe̠ hatao̠ ke̠da Meḍicine consultant Dr. Ahmed lutfor Mobin, Sastho Odhidoptor re̠n otirikto mohaporicalok (Admin)Prof. Dr. Nasima Sultana, Trafic police re̠n sodosho Didarul Islam ar Sena-bahinire̠n Bigredeer General M Imran Hamid. Pạhil din ṭikạ ko e̠mat́ koa mo̠ṭre̠ 30 hoṛ. Vaccin kạmi re̠ jo̠ṛao̠ me̠naḱ koaḱ katha; Go̠ṭa dhạrti ho̠ṛmo̠ ce̠tan re̠ye̠ kạmi kan se̠ hukum me̠naḱ le̠ka ge kạmi do̠ hoe̠ purạuḱa Bharot (India) khon he̠ć se̠ṭe̠r akan Injectionko. Noa lahare̠ Ṭikạ e̠mo̠ḱ kạmi o̠kte̠re̠ EPI re̠aḱ dạyik kạmire̠n Deputy Program Manager Dr. Maola Bokhs Choudhuri doe̠ baḍae̠ o̠coke̠t́ koa, diso̠m re̠aḱ jo̠to̠ jaega kore̠ge no̠a vaccine do̠ e̠m hạṭińo̠ḱa. Ale̠aḱ do̠ jo̠to̠ge sapṛao̠ me̠naḱa. Mit́ bar din talare̠ge diso̠m re̠aḱ jo̠to̠ ṭhạ̃iko̠re̠ koloḱa. Baṅgladiso̠m re̠ se̠ṭe̠r akan vaccine do̠ ạḍi Bhạlại anaḱ kana, bo̠to̠ro̠ḱ re̠aḱ ce̠t́ hõ alope̠ hudisa. Mit́ bar din talate̠ jo̠to̠ do̠ be̠so̠ḱa. Vaccin hatao̠ tayo̠m mo̠ńj jirạu do̠ jạruṛa. E̠ṭaḱ jãhãnaḱko baṅ hudis kate̠ bin bilo̠m te̠ jo̠to̠ ho̠ṛ hatao̠ lạgit́ pe̠ nẽho̠r ocoḱ kana. O̠nka le̠ka Sastho Montri Jahid Malek doe̠ so̠do̠r ke̠da je̠ 7 February do̠ ṭikạ hatao̠ re̠aḱ maraṅ kạmi ho̠ra e̠hoboḱa.

-Source; Somoy News

“Bis jo̠m me̠ ar baṅ khan phạsi gujuḱ me̠”

Juliaḱ mẽt́kin tin dhao̠ co̠ inạ mit́ pantere̠ o̠l akan haro̠prege le̠n paro̠me̠na. E̠nkathae̠ o̠nare̠ o̠laḱ katha uniaḱ mo̠go̠jre̠ baṅ boloḱkan le̠ka, ae̠ma dhao̠te̠ inạ haro̠pgeye̠ paṛhao̠e̠da, Ghane̠ ghane̠.

Ciṭhi khon Juliaḱ mẽt́kin tablere̠ register latarre̠ do̠ho̠ akat́ liphạpre̠ calao̠e̠na. O̠nare̠ saphate̠ ạḍi mońj haro̠pte̠ o̠l tahẽkana. Miss Julieṭ Murmu, Receptionist, Holy Cross Memorial Nursing Home, PATNA-4. Ińaḱ khange mit́ṭe̠n ṭe̠ksite̠ mit́ṭe̠ć rugiko ạgu kedea. Mit́ ho̠ṛ Juli ṭhe̠n he̠ć kate̠ ạḍi jo̠ho̠t araṅte̠ye̠ kuli kedea; “Sisṭạr, nonḍe̠ mit́ṭe̠n rugi bhorti iń me̠ne̠da. Ce̠ka jae̠ga ho̠yo̠ḱa?”

Juli uni ho̠ṛ co̠ṭ khon phe̠ḍ hạbiće̠ be̠ṅge̠t́ adea. Ume̠r 27/28 bo̠cho̠r gan. Usul mo̠ńj ko̠ṛa. Juliaḱ me̠thare̠ye̠ be̠ṅge̠t́ thir akada, mit́ṭe̠ć kukliante̠; “Ce̠ka jae̠ga ho̠yo̠ḱa?” Juliaḱ mẽt́kin registerre̠ pae̠ra paro̠me̠na. Mit́ nakhare̠ bare̠a pe̠a siṭ no̠mbo̠r samaṅre̠ ce̠t́ hõ baṅ o̠l tahẽkana. O̠na be̠ṅge̠t́aḱ tuluć Julie̠ ro̠ṛ ke̠da – “Hẽ jae̠ga do̠m ńam gea mahaso̠e̠, to̠be̠…..”

“To̠be̠ ce̠t́?”

“To̠be̠ phis jo̠mae̠ me̠.”

“Ṭinạḱ?”

“Mit́ sae̠ po̠n ge̠l. Nit.”

Uni ajana ko̠ṛa aćaḱ money be̠g khon pae̠sa oḍok kate̠ Julie caladea. Pae̠sa le̠kha kate̠ Juli Register pasnao̠ kate̠ye̠ kuli kedea;

“Ńutum”

“O̠ko̠e̠aḱ?” uni ko̠ṛae̠ kuli ruạṛ kedea.

“Rugiaḱ ńutum mahaso̠e̠, amaḱ ńutum o̠l kate̠ doń ce̠kaya?” bana ho̠ṛ muluć machakin landawana.

“Sule̠man.” “Ṭhikana?” -17/9, B.P Road, Paṭna. Ume̠r? 26/27, O̠kaṭaḱ? 26 se̠ 27 ? “27”

“Ce̠t́ ro̠gre̠n rugi kanae̠?”

“Pase̠ć ke̠nsar” Tho̠ṛa digdhạ macha tege uni ko̠ṛae̠ ro̠ṛ ruạṛ ke̠da.

Mõṛe So̠ro̠s Kạhni puthi khon tumạl akana; ol tongeḱa.

Korona Ṭikạ Emoḱ Kạmi Horae̠ Uḍhạu Keda Maraṅ Montri Sheikh Hasina

JULI