Joypurhaṭ re ạdibạsi  maejiu ko talare dare, ko̠ro̠na khon sahaṛ akae tahen lạgit́ mask ar bhage aṛaḱ sakam reaḱ itạ ko em hạtiń keda bessorkari utnạu gãota (Besarkari Unnoyon Soṅstha) Pamedo. Budbar (19 august) tikin Joypurhaṭ  jilạ  Pacbibi upojila reaḱ Utạr Dhurạil ato re Pamdo ren 5 hajar maejiu ko talare ‘‘ Oṛaḱ beṛhaete hạṛiạṛ aṛaḱ sakam cas’’ kạmi hora ńutumte dare , aṛaḱ sakam itạ ar mask em hạṭiń reaḱ e uḍhạu keda Pamdo ren maraṅ mukhiạ Hoimonti Sarkar.

Niạ okte ko̠ro̠na reaṅ mahãmǎri re tear akan muskil re hoṛkoaḱ daṛeaḱ jom-ńũ ar bạrti rojgar reaḱ ạt  tear lạgit́  Pacbibi upojilạ reaḱ 21 goṭen atoren 5 hajar hoṛko talare dare, aṛaḱ sakam itạ ar ko̠ro̠na teṅgo daram mask ko emkeda.

Pamdoren maraṅ mukhiạ Hoimonti Sarkar re menkeda Pamdo do ạdibạsi maejiu ko akoaḱ oṛaḱ reaḱ jomaḱ jogaṛ kate thoṛa bạṛti rojgar hoyoḱ ona karonte niạko do em hoyena. Inạ chaḍa ho ko̠ro̠na teṅgo daram lạgit́ mask jemon ko horog onate mask ko emat́koa.  Niạ uḍhạu akhṛa re selet́ ko tahekana Pamdo ren genarel manager Mohammod Niyamutullah, ḍạr office ren manager Dhoroni Pahan ar ho eṭaḱko.

UEFA Champions League final re rakaṕ enae FC Bayern Munich. Hola tala ńindạ hoyen semi-final khelạḍre Frence re̠n football dol Olympique Lyonnais 0-3 goal te̠ harao kate haparao reaḱ final re̠ khilạḍoḱ reaḱ ạidạri ko hameṭ keda.Ona khilạḍ re̠ko goal akada Serge Gnabry (18 ar 33minute re̠), Robert Lewandowski (88 munite re̠).Pạhil kho̠n ge̠ ạḍi mońj le gate̠lena ar aema ạt le tear leda menkhan bale goal dareada. Onatege̠ aleaḱ noa harao do, menkhan aema sarhao gidrạko noa haparao re ạḍi soros ko gati akana-nonkae men o̠co̠keda Lyon ren coach (gate cecet́ić) Rudi Garcia.

Daraekan robbar hiloḱ France re̠n football ḍol Paris St Germain sãote final re harpraoḱ re ko ńir ńapamoḱa  11 dhao final re  rakaṕen dol FC Bayern Munich.

Ko̠ro̠na tayom pạhil Iskulko jhićlenre o̠nako Iskul re̠n adha pạṭhuạ gidrạko mit́ din  ar dosar din adha gidrạko calaḱa. Noṅkage̠ mit́ din kate tayom ona Iskul ren sanam pạṭhua gidrạ ko do Iskul teko calaḱa. Iskul re̠ boloḱ lahare gidrạkodo ti ar-jańga ạruṕ kate Iskul oṛaḱ ko boloḱa.Onkage̠ mãhãsoe ar gidrạ koaḱ Hoṛmo reaḱ lolo (tapmatra) ńel se soṅ do hoyoḱa, Onka chaḍa Iskul boloḱ do manage̠a.Nonkanaḱ aema ạn ariko benao kate nãwã te Iskul jhić lạgit́ ko hudiseda Prathomik ar Gonosikkha Montronaloe.
Prathomik ar Gonosikkha montronaloe re̠n  senior socib Md. Akram-al-hossaine mene̠da, ko̠ro̠na tayom Iskulko ce̠t́ lekate calaoḱa ona reaḱ miṭ́ṭen ạṅ-ạrile teareda. Noa kạmido mucạt́ heć akana.Tehe̠ń gapare  ạṅ-ạri lekate noa kole̠ sodora.Tobe Iskul tiskote e̠hoboḱa onado̠ sarkare̠ hudisa.

Moṅgol hiloḱ noa babot ko duṛuṕ lena Prathomik ar Gonosikkha Montronaloe re o̠nḍe̠ do noako goṭa keda, Iskul saṕ-daṕko jonoprotinidhi ar sthaniyo prosanon noako ńel jutạ.

Teheń Ṭhạkurgaon jilạ reaḱ sodor Upojila Porisod reaḱ Gapalmarao oṛaḱ re Upojila Somaj susar(Somaj seba) Ṭhakurgaon sador reaṅ 8 goṭen Union re tahen kan Ạdibạsi gharońj renko reaḱ jion jingi lahanti ar onkoren kolejre paṛhaoḱ kan 16  goṭen pạṭhuạko talare 4000 hajar kate moṭ 64000 kạuḍi ko em hạṭiń keda.  Niạ emoḱ akhṛa re maran pera hisạbte setere tahekana  Upojila Maran Mukhia(Nirbahi Officer)  Abdullah Al Mamun

Ko̠ro̠na ajar iạte tala-mala re̠ Primary Education Certificate biḍạu baṅ hatao reaḱ ko hudis e̠da.Iskul kore okako biḍạu hoyoḱ onako bac bicạr katek ge jemonko mulại,nonkan ṅum uduḱ ko kol akada Marań montri ṭhen. Te̠he̠n Prathjomik ar Ganasikkha halat montri jaker hossein noa kathai roṛkeda khobor sakam re̠n khoboriạ ko ṭhen.

Ko̠ro̠na ajar iạte niạ se̠rma reaḱ PEC ar JSC biḍau bań hoe oco reaḱ goṭawaḱ ko hatao keda.nia cando no̠a lạgit́ Maraṅ Montri re̠n mukhiạ kạmiạic(socib) Ahmed Kaikaisar raḱ hạjir te̠ sikhnạt,pạhil ar sanamko lạgit́ sikhnạt kạmiạic talare miṭṭen gapalmarao hoelena.onare noa ko goṭa keda.

Mahasoe doko hoyoḱ kana hoṛ benao ren kạrigol. Jaoge biggan reaḱ pherao do hoyoḱ kana. Mahasoe ko hõ niạ pherao soṅge apnar nije manao hatao lagao akoa menteye roṛkeda Sikna̠t Montri Dr. Dipu Moni.

Moṅgolbar  (18 august) Jạtiạri Bhabna mãhã diḱsạ akhṛa re Sadhinota Shikhok Porisodaḱ saṕṛaote  Boṅbondhuaḱ siknạt dorson ńutuman online gapalmarao dupuṛuṕ re niạ kathae menakada Dipu Moni.

Sadhinota Shikhok Porisod ren mukhiạ Professor Abdul Mannanaḱ ạyurte ar Sadharon Sompadok Shajahan Alom Sajuaḱ saṕraote Sadhinota Shikhok Porisodren aema mukhiạko ko noa gapalmarao akhṛare selet́ ko tahekana.

Siknạt Montrie menkeda Mahasoe kodo eken siknạt em kạmire lạgiạpaṛao baṅkate siknạt gidrạko nana hunạr online akel hameṭjoṅ cet́ ako hoyoḱa. Boṅgo bondhue menakada mońj sãota benao rakaṕre siknạt re kạudi em cetan jahan maraṅ do baṅ hoe daṛeaḱa. Uni do disạm reaḱ hoyoḱkan airojgar reaḱ 4% siknạtre em lạgit́e menleda.

Boge Siknạt lạgit́ Sarkar do karikulam bodol ar ona reaḱ man baḍhao, Mahasoe ko cet́ako ar Mahasoe nawate hataore jemon mońj hoyoḱ ona cetan re bạṛtie nojor akada. Gidrạko iskul koleje reaḱ siknạt sãosão gạkhuṛ, apan apin sahao daṛe ar jahan muskilrego paṛaoḱ ona reaṅ khon oḍoṅ daṛeaḱ ona siknạt emako hoyoḱa.

Franch club o̠koi do̠ moṛe gel janam mahã ko manao lạgit́ onku ge netoḱ Chanpions League final ko gateḱ lạgit́. Paris St Germain pahil dhao leka UEFA Champions League final reku rakap ena.Hola tala ńindạ hoen semi-final re Germany re̠n football club RB Leipzig 3-0 goal te̠ harao kate haparao reaḱ final re̠ khilạḍoḱ reaḱ ạidạri ko hameṭ keda. Pahilre Marquinhos ar Di Maria aḱ goalte khilạḍ re̠ku laha akan tahẽkana PSG. Menkhan khilạḍ 56 minute re̠ Juan Bernat tesaraḱ goal te jitao do nisṭạe̠n takoạ.

Daraekan aṭhwar hiloḱ dosar semi-final re̠ jitauḱ kan ḍol saõte final reaḱ jit ṭupri horog lagit ku laṛhaia Thomas Tukhel re̠n ḍol.

Daḱ leka saḍar – suḍuṛ

Sạḍgur – bạḍgur  hạnḍi,

Kạńji kasa jembet́ hoṅgor.

Cakhna sim sạnḍi.

Nana hunạr hạnḍi ńutum

Sodae bodae mońja,

Matkom caole  guhum reaḱ

Jhar arda doja.

Pạurạ tạṛi dạru arhõ

cạḍi hạnḍi menaḱ

Lạlu bạcu koyoḱ daram

hoṛo benḍar rạnu.

Neõta peṛa ato gharna

joto geko ńue.

Cand begar kukmu kumbạ

saram leka mẽt́

Awaṭapa saõta sushạr

Baṅ daṛeaḱ cet́.

Anduṛ mạnduṛ setaḱ ạyuṕ

ńu tegebon tahen.

Nit dhạbić saõta – gaõta

taenom idiyen.

Baṅdo hạnḍi asol gate

Baṅdo orom  bạiri.

Laweroḱ ko haṛam buḍhi

jạsti koṛa- kuṛi.

Jiwet́ jion ṭarhao lạgit́

onkoge ạyuriạ.

Hạnḍi baṅa hoyoḱ mabon

manwa dulạṛiạ.

Abo joto santal hopon

pạrsi  muṭhạn baṅ hạṭiń

Goṛo –gopoṛo kạmie mabon

am maraṅ iń huḍiń.

Ạdibạsi koren ạyurićaḱ biḱcạr koyoḱ hor re paromena 20 serma.  18 august 2000 serma teheńaḱ niạ dinre Alfred Soren do Naoga reaḱ Bhimpur ato re jumi jaega dokhol baṛić hoṛ (diko) tite din reaḱ siń marsal reye goć ocolena.  Ạdibạsi ạyurić  Alfred Sorenaḱ teheń 20 serma paromen rehõ jahan bicạr baṅ ńam akana. Mamla reaḱ biḱcạr cet́ hoyoḱa daraekan dinre ? Niạ lạgit́ aema hudis ar ganḍon do menaḱa ạdibạsi hoṛko talare. Noko Ạdibạsi hoṛkoaḱ lạire baḍaeoḱ kana; jạmin re menaḱ ko dusi hoṛ do onko Ạdibạsi hoṛko botor ocoyet́koa. Onkoaḱ dhomokte jiwi reaḱ botorte aema hoṛ kodo akoaḱ gharońjko selet́ ona ato khonko dạṛ pharak akana. Nit okoe ko menaḱ ko onko hõ botorte bako cas bas daṛeaḱ kana onako jumire. Okoe ko mamlaren sạkhi ko tahẽkan onko hõ jiwi reaḱ botor te hanḍe nanḍe ko calaoena. Onate Aflred Sorenaḱ hike biḱcạr ńamoḱase baṅ ona reaṅ digdhạ ko sodor akada uni gharońjren ar ạdibạsi mukhiạko.

Baṅgladisạm re̠ 24 ghonṭare KO̠RO̠NA ajar te̠ko jạbunena 3200 hor, ar mit́ din re̠ ko goćena 46 hoṛ. IECDR reaḱ hisạbte ajarreko paṛoen hoṛaḱ lekha do hoena 2 lakh 82 hajar 344 hoṛ ar goćena ko 3 hajar 740 hoṛ.

24 ghonṭa re bogeyenako 3 hajar 234 hoṛ.

Onko selet́ moṭ ko̠ro̠na ajar khon boge akan ko hoyena 1 lakh 62 hajar 825 hoṛ.

Teheń disom sombat buleṭin re̠ noa kathako so̠do̠r keda Sastho Odhidoptor.

Abo aḍepase disom Bharot re ho niạ ajar do ạḍi bạṛić ḍher calaḱ kana. Ona bhitrere santal disom jharkhan re   din din niạ ko̠ro̠na ajar do ḍher idiḱ kana.  Rimmy  Marcila Tudu Dumka khon santalstimes e baḍae ocokedea teheń Dumkạ ren mit́ docṭor Sitaram Shah do niạ ajr tey goćena Racnchi re.  Dumkạren Deputy Commissioner ar uniren driver, police office ko ho niạ rog ńam akat́ koa. Dumka reaḱ santal pargana re aema police  ko jạbunakana niạ ko̠ro̠̠na ajar te.   Goṭa Bharot disom re teheń hạbić te 27 lakh 2 hajar 742 hoṛ niạ ajar teko jạbun akana. Goṭa dhạrti re niạ rogte jạbun akan hisạte pạhil ṭhại re do America 54 lakh 37 hajar ar dosar do Brajil onḍe do 33 lakh 59 hajar hoṛ niạ rog ńam akat́ koa.