Teheń Baṅgladiso̠m re̠ KO̠RO̠NA te̠ko jạbunena 1897

Baṅgladiso̠m re̠ 24 ghonṭare KO̠RO̠NA ajar te̠ko jạbunena 1897 hoṛ, ar mit́ din re̠ ko goćena 42 hoṛ. IECDR reaḱ hisạbte ajarreko paṛoen hoṛaḱ lekha do̠ hoena 3 lakh 10 hajar 822 hoṛ arko goćena 4 hajar 248 hoṛ.

24 ghonṭareko bogeyena 3 hajar 44 hoṛ.

Onko selet́ moṭ ko̠ro̠na ajar khon boge akan ko doko hoyena 2 lakh 1 hajar 907 hoṛ.

Teheń disom sombat buleṭin re̠ noa kathako so̠do̠r keda Sastho Odhidoptor.

Ona lekate goṭa dhạrtire KO̠RO̠NA ajar te̠ko jạbunena 2.5 kạruṛ cetan ar goćen hoṛ koaḱ lekha do̠ 8 lakh 82 hajar.

FA Community Shield reaḱ siropa ko jitạu ena Arsenal

Pạhilre Pierre-Emerick Aubameyang aḱ goal te Arsenal khilạḍ reko lahalen rehõ,bodolić khilạḍiyạ Takumi Minamino aḱ goal te khilạḍ reaḱ 90 miniṭ hạbić 1-1 goal te soman tahẽkana khilạḍ do̠.Menkhan penaltie Phanda re 5-4 goal te ko jitạu ena Arsenal.

Hola ńindạ England reaḱ jạtiạri football Maṭ Wembley stadium re pạhil khon ge ạḍi jhũk ar kajak ko gateḱ kan tahẽkana banar dol ge. Khilạḍ reaḱ 12 miniṭ re Pierre-Emerick Aubameyang goal teko lahalena Arsenal. Liverpool aḱ mit́ṭen goal off side iạte bạtilen takoa.Menkhan khilạḍ reaḱ 73 miniṭ re Takumi Minamino goal ket́ iạte khilạḍ reko rua̠r̠lena.Khilạḍ reaḱ 90 miniṭ re o̠ko̠e do̠l hõ ar bako goal daṛeaḱ te tiebreaker seć calaona gate do̠.Onare 5-4 goal te jitạu kate 16 dhao̠ leka Community Shield reaḱ siropa ko jitạu ena Arsenal.

Cancer ajar teye Hana puriyena ‘Black Panther’ ren Obhineta

Eke̠n 43 se̠rma ume̠r re Cancer ajarte bend̠aoena ‘Black Panther’ ren ńutumanić obhineta Chadwick Boseman.teheń Los Angeles re aćaḱ oṛaḱ rege Dhuri dhạrtie bạgiada.Ona o̠kte o̠nd̠eko tahẽkana aćren bạhu ar gharońj ren jo̠to̠ho̠ṛ.

Teheń garońj seć khon uniaḱ gujuḱ babot mit́ṭen lạiteaḱ do̠ko so̠do̠r keda.nonka ko men o̠cokeda,uniaḱ noa Cancer ajar babot cet́hõ bako baḍae kan tahẽkana gharońj ren ko.Gujuḱ laha jotoe lại so̠do̠raḱ koa.

2018 salre Chadwick Bosemanaḱ mit́ṭen ạḍi hiṭ cinema ‘Black Panther’ oḍok lena. Ona chaḍa Gods of Egypt,Avengers Infinity War, Captain America Civil War,nonkanaḱ aema Maraṅ namḍak cinema re hõe obhinoe kada.

Uniaḱ noa gujuḱ re Hollywood ren aema ńutuman obhinetako duk ko sodor keda.

Dinre 32 hoṛ goćena ar hõ 2131 hoṛ ko jạbunena Ko̠ro̠na ajar te

Baṅgladiso̠m re̠ 24 ghonṭare KO̠RO̠NA ajar te̠ko jạbunena 2131 hoṛ, ar mit́ din re̠ ko goćena 32 hoṛ. IECDR reaḱ hisạbte ajar reko paṛoen hoṛaḱ lekha do hoena 3 lakh 8 hajar 925 hoṛ ar goćena ko 3 hajar 740 hoṛ.

24 ghonṭa re bogeyenako 2hajar 27 hoṛ.

Onko selet́ moṭ ko̠ro̠na ajar khon boge akanko hoyena 1 lakh 98 hajar 863 hoṛ.

Teheń disom sombat buleṭin re̠ noa katha ko so̠do̠rkeda Sastho Odhidoptor.

Hijuḱkan cando khon Lahate lekage gạḍi bhaṛa

Sepṭembor cando reaḱ pạhil tạrik kho̠nge lahate lekage bus bhaṛa: Obaidul Kader

Ko̠ro̠na ajar lahare o̠kaleka bus gạḍi bhaṛa tahẽka no̠nkage hatao̠ hoyoḱa, Menteye menkeda Soṛok Poribahan ar Setu Montri Obaidul Kader. Teheń ać aḱ oṛaḱ khon Dhaka soṛok zone ren mukhiyạ kạmiạ saõte bhideo conference te gapalmarao o̠kte noako kathae menkeda Obaidul Kader.

Uniymenkeda, disom ren hoṛ koaḱ katha ar niạ o̠kte ko reaḱ halot hudis kate Sepṭembor cando reaḱ pạhil Tạrik khon laha te lekage bus gạḍi bhaṛa hatao̠ hoyoḱa.

Noa laha 66 din reaḱ lockdown tayo̠m pạhil June ạn manao lekate bus gạḍiko cạluleda. Niro̠po̠n ho̠ṛmo̠ reaḱ ạn ar bus gạḍi mạlik koaḱ jemon lo̠ksan baṅ hoyoḱ o̠na ia̠te 60% bhaṛa ko ḍherleda.

3 Cando po̠r lahatenaḱ bhaṛa re ruạṛoḱ lạgit́ hõ tho̠ṛa ạn do̠ manao̠ hoyoḱ tabona hoṛ ar bus gạḍi kạmiạ ko hõ. Nonka leka , jotohoṛ mask horoḱ hoyoḱtakoa, Bus gạḍi kạmiạ kohõ tinạḱ duṛuṕ aḱ menaḱ ona khon bạṛti hoṛ bako deć daṛeakoa. Ti ạruboḱ reaḱ bebostha tahẽn lagaoḱa, Saõte bus gạḍi hõ Tejoko (Jibanu) khon saphae jạruṛa.

Amritopur (AFC) Ạdibạsi football haparao̠

Tanore Upojilạ reaḱ Amritpur ato football Maṭh re hoyena Ạdibạsi koaḱ Maraṅ mit́ṭen football haparao̠.No̠a haparao̠ do̠ko Hoe oco le̠da Amritopur AFC Youth Association.Bar (2) din reaḱ o̠na haparao̠ re 16 go̠ṭe̠n dol ko selet́ lena.Holano̠ḱ hoyen final re DJ Koikuṛi football do̠l doho kate bol phanda(tiebreaker) te harao̠ kate final ko jitạu ena Belpukuriạ Fc.No̠a haparao̠ reaḱ pạhil Siropa(prize money) do̠ tahẽkana 20,000/- ṭaka ar dosaraḱ do̠ tahẽkana 15,000/-ṭaka.

No̠a haparao̠ reaḱ Siropa capat́ akhṛa re Maraṅ peṛa lekate seṭere tahẽkana Tanore Upojilạ ren Chairman Lutfar Haidar Rosid Moina. Chairman nijete final re pạhil ar dosar dol Siropa doe(prize money) calat́ koa.

Cõ̠ṛẽ̠, Pạuriạ ar Bedea Pạrisrenko Ado̠ḱkan reaḱ Katha

Cõ̠ṛẽ̠, Pạuriạ ar Bedeako do̠ ạd kho̠ngeko ko̠mgea.

Cetatko karo̠nte co̠ṅ Cõ̠ṛẽ̠ pạrisren oka-oka gharo̠ńj do̠ eṭaḱ pạristeko oyo danaṅakana. Ado̠ ako-ako do̠ aso̠l mạilạ do̠ko baḍaetakogea, e̠nte pạrisko pheraoakat́re hõ̠ Boṅga do̠ bako bo̠do̠lakantakoa. Onkage, aema Besra gharo̠ńj renko hõ̠ netar do̠ Ṭuḍu pạrisreko ucạṛakana… Ado̠ ako-ako do̠ko baḍaegea… Onatege, Besra gharo̠ńj são gharghạrạia katha hećako khan o̠ko̠e o̠ko̠e Ṭuḍuko do̠ (joto Ṭuḍu do̠ baṅ) bako aṅgo̠ca.

Bedea do ḍherkaege Ho̠ṛ Ho̠po̠nko kho̠n begaro̠ḱte Bedea ńutuman judạ jạt menteko bahna ocoakana… Hane Rãci sor Ramgaṛh se̠ćte kusiạm ńamkoa. O̠ko̠eko do̠ eṭaḱ pạristeko oyo danaṅ baṛaakana, ar sare̠ć bare̠ćko do̠ netar Soali / Sewali / Shevalin eman pạrisko o̠lo̠go̠ḱa, noa do̠ Bedea pạris reaḱge ar mit́ ńutumkana. Noko gelbar pạrisrenko chaḍa hõ̠ netar Ho̠ṛ Ho̠po̠nko talare ar hõ̠ mit́bar pạrisrenko ńamo̠ḱkana, jeleka –

Copeyar / Chopeyar:- Noa “Copeyar” do̠ laha bidạl do̠ khũṭ ńutum tahẽ̠kana, Cõ̠ṛẽ̠ ar Murmukoaḱ. Ado̠ netar do̠ o̠ko̠e-o̠ko̠e gharo̠ńjren pạris lekate hõ̠ko beoharet́kana.

Bado̠li: Noa do̠ jạṛ lekate Mạrṇḍikoaḱ gaṛ ńutum tahẽ̠kana. Ado̠ oka lekate co̠ṅ mit́bar gharo̠ńj do̠ noage pạris hoeakantakoa.

Ḍoṇḍka / Dondka / Dandka:- Noa do̠ Ṭuḍu pạris reaḱ mit́ khũṭ ńutum tahẽ̠kana. Ado̠ netar do̠ pạris lekate noako beoharet́kan ho̠ṛ ho̠po̠nko ńamo̠ḱgea.

Rapaz / Rapaj:- sedae bidạl noa do̠ Kisku mạilạrenkoaḱ khetab se Title tahẽ̠kana, Surname do̠ baṅ. Ado̠ netar o̠ko̠e-o̠ko̠e gharo̠ńjrenko do̠ noa Title’ge akoaḱ Surname lekako beoharet́kana.

Coomar / Kumar:- Noa hõ̠ hane sedae bidạl do̠ Hembrom ho̠ṛkoaḱ Khetab se Title tahẽ̠kantakoa. Ado̠ netar do̠ o̠ko̠e-o̠ko̠e gharo̠ńj renko do̠ noa Title’ge Surname lekako beoharet́kana.

Thạkur:- Murmu ho̠ṛko do̠ Murum Eṅga akoren Ṭotem kho̠n o̠mo̠nakan reaḱ kisạ menaḱtakote sedae do̠ Ṭhạkur Khetab tahẽ̠kantakoa. Ado netar do̠ o̠ko̠e o̠ko̠e gharo̠ńj renko do̠ ona Khetab se Title ge Surname lekako beoharet́kana.

Majhi / Manjhi:- o̠ko̠e o̠ko̠e Mạńjhi gharo̠ńj renko do̠ netar hudạge Surname re pheraoakantaoa. Ar bin baḍae Sạrkari Deko kạrạmcariko hõ̠ noa lạgit́ko jimmedara… Bin bachaote okakore co̠ṅ Santal khange Manjhi mente sạrkari nạthireko o̠l caṛhaoakat́bona. Ado̠ un kho̠n Ho̠ṛ Ho̠po̠nko talare Manjhi hõ̠ mit́ṭen Surname hoe bo̠tećakana.

Saotal / Saontal / Santal / Sonthal:- Noa hõ̠ bin baḍae Sạrkari Deko kạrạmcarikoaḱ e̠ne̠mkana. Laha bidạl ạḍi jemo̠n temo̠nko nạthilet́bona. Ado pạris ṭạris cet́ hõ̠ baṅ kulikate sidhạite ńutum tayo̠m Santalko o̠lket́bona, asokaete Dooars ar Sylhet reaḱ Ca bagankore, ar Tripura, Coṭṭogram, Phoridpur eman sećte.

Teheń do Kaji Nojrul Islamaḱ Gujuḱ Mãhã

Teheń Lukkhibar Baṅga bhado̠r cando 12 mãhã (27 August) Baṅgla ren literature, abo jạtiạri ren O̠noṛiạ (Kobi) Bidrohi Kobi Kaji Nozrul Islam aḱ 44 serma gujuḱ Mãhã. 1975 serma reaḱ 15 August maraṅ goć gopoć 1 serma tayom ge 1976 sal dukanaḱ cando rege Shekh Mojib Medical University Haspatal (Pạhil PG Hospital) kho̠n dhạrti jiṅgi do̠ye bạgiat́ tahẽna.

“Disạiedạń teheń uniaḱ mucạt́ ạyuṕ bela –

Ińdoń tiṅgo akan (Rohinu) niạsaḱre,

Am do̠ hanasaḱre ạtuḱ ḍheo.

Ona bidạ o̠ktere Kiriạ lenam gate ińren,

Do̠ho̠e ńam amaḱ monere,

Ruạṛ hijuḱte enejoḱalaṅ arhõ, Ona mare eneć.

Teheń bam heć len khan hõ,

Ińaḱ mẽt́ daḱ joro jorote calaḱ

Am do̠ iń bạń sendra ńam me.”

Teheńaḱ no̠a din re “The Santals Times” seć khon tahen kana; khạndri ontor khon aema aema manot!

Jạtiạri Kobi Kaji Nozrul Islam 1306 serma 11 Josṭo cando̠ Pạchim baṅgla Bordoman Jilạ reaḱ Curuliạ ato reye janam lena. Abo joto kogebon baḍaea uniaḱ hoho ńutum do̠ tahẽ kana ‘Dukhu Miya’. Ać Baba Kaji Fokir Ahmed ar gogo Jaheda Khatun. Baṅgla oloḱ ren phurgạl Onoṛiạ(Kobi) hisạbte ạḍi oprom menaḱ rehõ, Mit́ sećte do̠ Onoṛiạ(Kobi), gayan, golpo, natxok, reporter.. Uni do aema utạrgan sereńko benao̠ katet́ baṅgla reaḱ dhạrti jiṅgire ạḍi manot thạ̃i reye seṭer akada. Dulạ̣ṛ̣, Bidroho/Raṅgao, sammobad// ar udgạuren Onoṛiạ(Kobi) Kaji Nozrul Islam aḱ Saõhet́, sereń soṅge koclon khon jạtiạriko rukhiạ lạgit́e udgạu akat́ koa. Baṅgladisom reaḱ maraṅ hul rehõ uniaḱ saõhet́ ar sereńko teye udgạu let́ koa. Onoṛiạ(Kobi) Kaji Nozrulaḱ saõhet́, sereń ar literature kạmi kote Baṅgla reaḱ literature do̠ nãwã rupe sirjạu leda. Uni do̠e tahẽ kana Samgeḱ cehaona ren olokić. Uniaḱ oloḱ sećte jạtiạri jion re Samfeḱ cehao̠na pasnao̠ lạgit́ ạḍi aema do̠e kurumuṭu leda. Uniaḱ saõhet́ ar sereń te baṅgla ren jo̠to̠ manwa koge jae jug hạbić koclonko khon bańcao reaḱ hore uduḱ akada. Baṅgladisom Phurgạl tayom tege Jạtiạri ren Baba Boṅgobondhu Shekh Mojibur Rahman do̠ Bidroho/Phurgạl Kobi Kaji Nozrul Islam aḱ gharońj ren jotoko nãwã Phurgạl Baṅgladisom teye ạgulet́ koa. Disom reaḱ manot te Baṅgladisom re uniaḱ tahen reaḱe bondobos leda, Eken ona do̠ baṅ bickom Dhanmonḍi re mit́ ṭen oṛaḱ hõye emade tahẽna.

-Tumal akana; BSS

Santal Ạdibạsi hoṛ hopon ko Nepal Re !

Nepal disom do̠ bar maraṅ disom India ar China talare menaḱa. Ar Nepal disom do̠ ạḍi ge suluk ar sạnti disom kana. Nonḍenaḱ disom pạrsi do̠ Nepali kana. Nepal re 152 jạt ar 123 pạrsi teko roṛet́ kan hoṛko menaḱ koa. Nepal do̠ pe̠ hạṭiń re begar akana Himal Pradesh (Ponḍburu okadoko metaḱ Mount Everest) , Pahad pradesh (Hạṛiạr buru), ar Tarai pradesh. Nepal disom re do̠ aema lekan dhoromren manwa se hoṛko menaḱ koa, Hindu, Christian, Islam, Kirat, Buddhist ar ar ko. Ar jo̠to̠ko dhorom talare ạḍi bes dulạṛ ar gado gapado menaḱa. Ar jo̠to̠ ko jạtiyạ talare manot ganot ko menaḱa. Ona iạte aema aema disom ren hoṛ kodo Nepal te daṛan ko hijuḱa ar Nepal disom reaḱ rạskạ re ko rạskạḱa.

Ar ̣to̠be nitoḱ do̠ Nepal ren Santal hoṛ hopon ko bon ńel koa. Nepal disom ren Santal kodo̠ 18th ar 19th Century talare Nepal teko boloyena. Baḍae lekate Nepal ren Santal kodo̠ India reaḱ aema aema ḍihạṭ khon Nepal teko boloyena. Ar onako ḍihạṭ do̠ Siliguṛi, Asham, Jalpaiguṛi, Bihar, ar Jogbani. Jogbani do̠ asol ḍihạṭ tahẽkana. Pạhil redo̠ Nepal ar India border Jogbani ḍihạṭ khon parom kate sidhạ Koshi Tapu te gharońj ạsul ar jiwi bańcao̠ lạgit́ ko calao̠lena. Ado̠ tho̠ṛa bochor se serma tayom tedo̠ ado̠m hoṛ do̠ Morong jilạ te ko calaoena ar ado̠m ko do̠ Jhapa jilạte ar Sunsari jilạteko calao̠ena. Morang ar Jhapa jilạre do̠ ja̠sti ge hoṛ menaḱ koa menkhan Sunsari jilạredo̠ ạḍi thoṛa ho̠ṛ menaḱ koa. Ar onkate pạhil Nepal ren Santal kodo̠ bir koko saphakeda ar aema aema jaga jumi ko hameṭ le̠da. Menkhan un o̠ktoren Santal kodo̠ oloḱ paṛhaoḱ baṅte ar bud ạkil baṅte akoaḱ jaega jumi do̠ buru munḍa heć kate onko ṭhen akoaḱ jumiko reć ocoyena.

19th Century o̠kteredo̠ Nepal ren Santal kodo̠ ạḍi Nepal reaḱ niạm kạnun hõ bako baḍae utạr akat́ tahẽna. Un o̠kte re do̠ Santal ko diku munḍa ṭhen be̠go̠r rin kạuḍi hatao kate ạuṛiaḱ te Santal kodo rini ko benaoena ar onkate jaega jumi kodo munḍa ṭhen ko reć ocoyena. Ado̠ Santal kodo̠ bud ạkil baṅ kakhante onko munḍa ṭhenge guti kạṛmi ko ehoṕ ena ar gạyur ṭạpur ko benaoena.ar Akoaḱ mit́ gharońj benao lạgit́ mit́ jaega jumi hõ baṅ tahelena. Onkage samae ko parom idiyena ar Nepal disom reaḱ kạnun hõ bodolena. 19th Century o̠kteredo̠ Nepalre Rana Shason tahẽkana ar ona tayom tedo̠ Shah Raja kạnun ehoṕena ar karte karte te Nepal re 21st Century re do̠ democracy re bodolena. Ar bại bạite Nepal ren Santal kodo̠ nãwã piṛhiren kodo̠ school te̠ kokol ko ehoṕena nitaḱ 21st century re do̠ aema Santal hoṛ hopon do̠ bud ạkil ar mẽt́ marsalan ko hoyena. onate nitoḱ do̠ Nepal ren Santal ko aema lekan sarkari c̣akri re menaḱ koa menkhan bhabna reaḱ kathado̠ jaega jumi do̠ baṅge menaḱ takoa. Onate aema Santal hoṛ hopon kodo̠ sukum bạshi jaegare ko tahen kana ar onkoaḱ gharońj do̠ nacar rege menaḱ takoa. Nitoḱ do̠ mit́ bar Santal ko sepeń rakaboḱ lạgit́ NGO/INGO ko lagao akana cet́ le̠ka Lutheran Community Welfare Society ar BIC Nepal. As menaḱa je, hijuḱ kan darae din kore Nepal ren Santal ko Nepal reaḱ sarkari cạkri ko ńama ar Santal somaj ko sepeń rakaba. Onate Nepal ren Santal koaḱ ho̠k ạdhikar ńam lạgit́ ạḍi kurumuṭu re menaḱ koa. Ạḍi sarha johar.

Karan Besra

Hong Kong

August, 25, 2020

Chelsea ko kiriń kedea Leicester city ren gạkhuṛ khilạḍiạ Chilwell

Leicester city kho̠n England ren Phuṭbol khilạḍiạ Ben Chilwell ko kiriń hatao̠ kedea Chelsea Fc.

Nãwã hẽḱaḱ (cukti) babot tinạḱ poesa khorocen takoa,Ona babot cet́ hõ bako lại sodorleda Chelsea Fc.

Menkhan BBC aḱ menjoṅ do̠ nonka kana,nui khilạḍiạ kirińte 4 kạruṛ pounds do̠ khoroc akantakoa Chelsea ak.

2015 serma khon Leicester seć khon 123 goṭene khilạḍ akana.