Rajshahi jilạ reaḱ Godagạṛi re jumi jaega reaḱ benebạiri iạte onkoaḱ jhãṕte ạdibạsi caso̠ḱ ho̠ṛ Nirmol Ray(umer 40) ạḍi kajake bajao̠ akana.Uni do̠ nito̠ḱ do̠ Rajshahi medical college re treatmene hatao̠ eda.

Calaen 2 sepṭembo̠r Go̠dagạṛi Upojilạ reaḱ siala ato ren Nirmol Ray ar uni ać mama Sunil Hãsda(umer 36) cetanre noa jhãp(hamla) do hoyena.O̠nare Nirmol rai do̠ ạḍi kajake bajao̠ akana.Sunicar hiloḱ no̠a babot Godagạṛi thana re mittṭen mamla do̠ em hoe akana.

Mamla ren bạiri(asami) do̠ko hoyoḱ kana siala ato ren Al-Amin(umer 30),Md. Mekhael(umer 25), Md Himel(umer 25), Saidur Rahman(umer 50) , Md Jagu (umer 45),Bosontopur ato ren Kalam(umer 65),Walid(umer 45), Dablu(umer 30), Helal (umer 28)ar Vejali(umer 25).

Mamla reaḱ Ijahar khon baḍae ńamena ,jumi babot no̠a birud do̠ 7 serma  khon ge tahẽkana.Court re mamla hõ calaḱ kana.Menkhan o̠na o̠kte ge no̠a gho̠ṭo̠na do̠ ko  gho̠t̠ao̠ keda bạiri(asami) ko do̠.

Aema lekan noa disom reaḱ hạtiạr(ostro) ro̠d̠, mat́ no̠akote ko dal akat́ kina.O̠nate Nirmolaḱ banar jaṅga ar mit́ṭen ti do̠ rạput́ akan taya.

Godagạṛi thana ren OC do̠e meneda,no̠a jhãp(mamla) reaḱ mamla do̠ thana re hoe akana. Nitoḱ do̠ bạiri(Asami) ko saṕ lạgit́le kurumuṭueda.

Holanoḱ ńindạ UEFA Nations League haparao̠ reaḱ khilạḍre 4-0 goalte Ukraine ko haraoket́koa Spain.Haparao re Spainaḱ pạhil jitạu,Noa laha Germany sãote 1-1 goal teko draw leda Luse Enrique ren dol.

Khilạḍ reaḱ 3 miniṭ ar 29 miniṭ re Sargio Ramos,32 miniṭ re fatiar 84 miniṭ re Ferran Torresaḱ goal teko jitạuena Spain. Ansu Fati do sanam  khoć kom Umer ren khilạḍiạ kanae noa haprao ren.17 serma 311 dinre khilạ ḍkate UEFA Nations League re nagame(itihase) tear keda.

Ar ho tarkoyena Bharot diso̠m reaḱ Mumbai naṅgraha.Teheń somber setaḱ 8 baja seć tarkoyena bạnij naṅgraha Mumbai. Niạ tarko do tahekana Richter scale te 3.5. Bharot disom reaḱ National Center for Seismology (NCS) niạ sombat doe baḍae ocoakana.

So̠mbatre ar hõ sodor akana je somber niạ dhạrti laṛao reaḱ etohoṕ do Mumbai khon  102 kilometers utạr re. Niạ dhạrti laṛao se tarko re jahan loksan reaṅ so̠mbat do nit hạbić baṅ ńam akana.  Tobe thoṛage tarko akanreho niạ khạtir ạḍiko botor akana bạnij naṅgraha ren manmiko. Niạ laha re ho 4 september Maharastro Nasik reaḱ pạchimre Richter scale te  4.0 matra reaḱ tarko do hoylena. Niạ chaḍa ho September candoreaḱ pạhil dinge 2 dhao dhạrti laṛao hoyakana.

Baḍaekaḱmabon calaoen mit́ bar cando khonge Bharot diso̠m reaḱ nanan ṭhại kore nonkan dhạrti laṛao do hoyoḱ kana. Onareaḱ lasaṛhẽt́ te Delhi, Panjab, Jammu ar Kasmir reaḱ mit́ nakha paṛao akana. Sor din ge Pạchim baṅgla reaḱ Nadiya jilạ reaḱ Krisnonagar re 2 dhao dhạrti laṛao hoyena.

Jiwi gogoć Ko̠ro̠na Virus aḱ daṛete goṭa dhạrtige jạbunakana. Niạ reaḱ bạṛić jo do paṛao akana iskul, college são sanam sãotakore. Thir hape akana dhạrti reaḱ khelạḍ ko ho. Ạḍi bebạṛić manwa koe nasaoet́ koa noa virus rog. Jao ghuṛi okterege rećet́bonae jiwi.

Niạ ko̠ro̠na khạtir dhạrti reaḱ nanan diso̠m kore online te pạthuạ koaḱ kelasko hataoet́ kana. Ar niạ online kelas hatao oktege hoyena mit́ bhabna ghoṭona. Online kelas hatao okte gujuḱ hoborrey gitićena Argentina diso̠mreaḱ mit́ University ren mahasoe. Uni do ko̠ro̠na ajarte jạbune tahekana.

Khoborre baḍaeoḱ kana Argentina De La Compress University ren mahaosoe-e tahekana 46 serma umerren Paula De Symon. August cando reak’mucạt́ seć uni do ko̠ro̠na ajartei jạbunlena. Mit́ hapta khon uniaḱ hoṛmo re ko̠ro̠na rog reaḱ cinhạ ńeloḱ kantahena. Enrehõ uni do Zoom sec’ lekate kelas-e hatao idiyet́ tahena. Unido Rajniti ar goṭa dhạrti bisoeren mahasoeye tahekana.  Gurubar hiloḱ online re kelas hatao okte gujuḱ hoborrey gitićena. Kelas hatao okte uniaḱ sahẽt́ hatao oktemuskilaḱ ńeloḱ kan taetahena. Ona okte aćren pạṭhuạko rugi ḍohao gạḍi kol lạgit́ uniaḱ oṛaḱ reaḱ ṭhikanako kuli kedere eken e roṛkeda bạń lại dareaḱ kana ar ona tayom dayage gujuḱ hoborrey gitićena. Uniaḱ ghoṭona reaḱ sạkhiko hoyena aćren pạṭhuạko.

Tobe Paula do aćaḱ niạ ko̠ro̠na ajar te jạbun akan okte reho cedaḱ kelase hataoet́ tahena ona reaṅ jahan roṛ ruạṛ do baṅko em daṛe akada nit hạbić.

Goṭa dhạrtire ko̠ro̠na ajarte jạbun akan rugiko thoṛa calaḱ kanre ho Latin America reaḱ diso̠m kore nit ho aemageko gujuḱ kana dinke din. Niạ bhitrire Argentina re 4 lakh 78 hajar khon bạṛti hoṛ niạ rogtegeko jạbun akana ar ko goć akana 9 hajar 859  hoṛ; noa adi bhabna reak’ khobor kana.

Disom ren Hindu rạndi maejui jãwaeaḱ joto lekan dhon reaḱ hạṭiń ńama mente oitihasik hukume e̠mkada maraṅ court. Noa babot jopoṛao, mit́ṭen Hạkimte nonkan hukume emkeda maraṅ court ren biḱcạrić Miftah Uddin Chowdhury.

Baṅgladisom reaḱ ạń-ạrikore baba hoṛ ar maejiukoaḱ ạidạri do mit́gea. Maejiu ạn reho menaḱa mit́ ạidạri reaḱ katha. Menkhan nit hạbić disomre̠n Hindu maejiu ko do jã̃wae aḱ dhon bako ńamet́ kan tahekana. Niạ ạn khạtir te nit khon do hindu maejiu ko ho apataḱ dhon re ạidạri tahentakoa. 02/09/2020 Gurubar noa hok reaḱ hukumte Hindu maejiu koaḱ ạidạriko ńama mente ko hudiseda ạkilan ko.

Kuḱmu Ko Adogoḱ Kana Oka Seć Coň

-Subodh M Baskey

Nahaḱ okte sanamaḱ ge bujuroḱ kana ạḍi usạrate

Ḍạňguạ kuṛiaḱ pag̣ra, jaňga reaḱ lipur

Hara goduḱ kuṛiaḱ koṛam, paseć mạnmi tet́ ho, Sanamaḱge

Hoe daṛeaḱa hotot́ nạṛige cet́ coń hoṛmo seć te

Latar te liwạt pheḍoḱ kana.

Gaḍa aṛe re kạsi baha bir ar hoṛo geleko,

Jạput́ din reaḱ serma daḱte ạtu hećakan

Gitil kote gitil reaḱ buru benawakana

Baňgem hudis keya, jãhãtis nonḍe sorot candore

Kạsi baha bhuṭạḱlena, hoṛo gele ko belena.

Bạrsa reaḱ hende rimil jhar daḱ em men begor

Pagla hoete bharot reaḱ cerapuńjire seṭerena

Rohoṛ keṭeć dhạrti ṭunḍạňre bańcao tãhen baň dãṛe kana

Abad begor kạiko ḍher idiḱkana.

Ale atoren hara godoḱ chaṭpaṭić gidrạ koṛa

Akil begor sãṛoḱte, juạn okte reaḱ hoṛmo reňgećte

Din ge bạrić ṭolatei monḍ-haḱ kana

Somaj reaḱ muṭhạn samaňre kạli dulwate

Ạḍi rạskạ tegei jiňgei khemaoyet́ taya

Tayom daram beňget́ bạgi kateć.

Santal somaj reaḱ apnartet́ banadhao

Mạńj-hi, Pargana, Desh Mạńj-hi ar

Lo Bir Bạisi kodo, din ke din rạpudoḱ kana

Goć hoṛ rapaḱ ko ghaṭre

Ńit́ ge paseć rapaḱ roňgoḱa sạri kuḱmu kodo

Onḍe ko ruạṛ hijuḱa Saitanren peṛako.

Ạḍi duḱ kosṭo te benaowakan kuḱmu reaḱ diuhạ̃

Hoe bharḍo chaḍa ge iṛĩjoḱkana dinamge

Marsal begor ńut́gei sandes ale kana

Baḱ junuwaḱ marsal cerceṭećaḱ

Moca rege mucạdoḱ kana jaijug lạgit́.

Ato khon nagraha tei monḍ-hawakan

Nahaḱ jugren juạn koṛa, maraň ạkil hãmẽṭ begor

Din dine bạrić idiḱ kana

Santal ạricạli bhenḍao lạgit́ baňma bole

Serma coṭ khon dãṛei ńamakada,

Eṛe phạsiara hudis bolo toraḱ kana

Sirjon khon teyarakan Santal Atore.

Sona jugren juạn kuṛiaḱ sapha mon do

Mạila hoe são tapam kateć

Nagraha renaḱ mạila tuluć pantewakana,

Gate ko mudre kạhu, haena (khĩḱṛi lekan) ar eken ayaň biń ko

Sebel peṛa metaḱme diku koṛa, naeke baba

Ar joto khon lạṭkuṭạ bulakan koṛa.

Aema utạr Santal juạn koṛa ko

Somajre ạulạhan ạgu begor, Jug reaḱ

Ulṭạu khon patal puri seć ko monḍ-hawakan

Je leka asoḱ ṭayok bako oṭaň len khan

Paseć lạṛhại re do bako jitạoḱa,

Juạn reaḱ jostet́ baňkhan acka ge paseć

Ạḍi usạrate bodoloḱ renaḱ cinhạ baň ńelogoḱ kana.

Jiňgi renaḱ oṛhẽ sereń ko se lạṛhại kore

Jitạu bakhra ganḍon; teheń

Eken banar bạiri leka ge kin hạjirakana,

Bul akan juạn koṛa koaḱ joha ko do cowagoḱ kana,

Bhạṭạmin ṭonṭate dhaṛako eken coeta cabaḱ kan takowa

Ṭhiḱ Romio sṭail lekage,

Belṭ begor jaha okte rege penṭe bhuṛujoḱa.

Gel mit́ sai sermaren nãwã juri pạri

Cirgal gidrạ sodor bakhra kin goṭawakat

Somaj reaḱ niạm bạgi kateć gharońj kin sajaoket́.

Menkha gidrạ benao ńindạ hiloḱ ḍoboḱ johar

Jokhen baḍae ńamen, Jamai doe nacar geya

Bilạmtei urgumoḱa ar maraň katha

Uni do AIDS ruạren ruạić kanai

Eratet́aḱ buru jharna ho rohoṛ geya,

Dulạṛ bhumbuḱ ḍạḍi daḱ ho baň siṭińoḱ kana

Buru lodam kore ho eṭaḱ disomren dãṛan ko ko

Ạcur baṛalena, paseć ńit́ ge lạndupoḱa

Buru lodam; ṭhik paseć oka hiloḱ coń

Noňka te birbão se bharḍo oṭaň calaolena

Erawaḱ begor baḍaite.

Noňka leka ge napai kuḱmu ko do adogoḱkan

Mạnmitet́ ho danaňoḱkana Saitan ko ṭhen,

Dhạrti ṭunḍaň sajao bad kateć

Serma rajosṭi boloḱ lạgit́ haparao  ehoṕakada

Manwa ruṕan phạsiara ko

Ar dhạrti purige noroḱ ko benaowakada.

Ar ale okoe serma calaḱ lạgit́ bale ãs chuṭạoḱkan

Jạruṛ khan goć giḍi kateć ho serma purite

Seṭer ocko sạbut akada dhorom bạnij ko;

Sạrige ale do dhạrti puri ạḍi nacar ar riṭhạ

Cele ge bako koyoḱ eda ale seć.

Sereń durạṅre ”Ononna Soros 10 man -2019 ”  ńameda f-minor (Sereń catagorire“Ononna Sirso dos Sommanona -2019” ńameda f -minor.)

Baṅgladiso̠m ren Ạdibạsi modre pạhil kuṛi gidrạwaḱ band do̠ hoyoḱ  kana “f minor”.Akoaḱ no̠a kurumuṭu ar kạmi babot Baṅgladisom reaḱ ạḍi daman mit́ṭen award ko ńameda .Sereń category re “Ononna Sirso dos Sommanona  2019” reko bachao oco akana f minor.

No̠a akhṛa do̠ Dainik Ittefaq ar Pokkhik Ononna ren sasapṛaoić ạḱyurte September cando reaḱ 11 tạrik Ononna Facebook page khon ńindạ 8 baja o̠kte hoyoḱa. No̠a akhṛa ren lạṭu peṛa doe tahena Dr. Dipu Moni(Baṅgladiom Sarkar ren sikhnạt montri)

Messanger re nit khon eken mõṛe hoṛaḱ account cetan jahanḱ baṅ kologoḱa. Eṛe so̠mbat pasnao̠ ṭhekao khạtir nonkan goṭawaḱ ko hataoakada muṭhạnputhi.

Lukhibar mit́ blog reaḱ sodorre Messanger Privacy and Security Product Management ren mukhiạ J Sulbhan e lạikeda baṅma bạṛićaḱ so̠mbat pasnaoḱ kan khạtir nonkan goṭawaḱ do̠ hatao̠ hoyena. Ar nonkate tho̠ṛa gan hõ niạ eṛe so̠mbat pasnao̠ kom ńogoḱa.

Muṭhạn puthi ren mạlik whatsapp re hõ nonkanaḱ niyạm do̠ 2 serma lahare ko bandhao akada. Niạ se̠rma reaḱ March cando Messenger re hõ nonk ạn calao reaḱ katha heć lena. Thoṛa din niạ do̠ ko biḍạu legayet́ tahekana. Nit do̠ niạ ạn joto hoṛ lạgit́ ge manaoḱa.

Baḍaoḱ kana je, mit́ messanger khon 5 hoṛ cetan jahan so̠mbat baṅ panao̠ḱa, jahae pasnao̠ reaḱe kurumuṭu lekhan mit́ husiạr do̠ ńama ona laṛcaṛić ar Inạ cetan bạṛti do̠ baṅ calao̠ḱ taea.

 Ạkil Paṛhaoḱredo Ḍigir Marsal Menaḱa. Hẽ sạri kan geya je, o̠lo̠ḱ paṛhaoḱ rege do̠ Ḍigir Marsal menaḱa. Tin hạbić abo do̠ o̠loḱ paṛhaoḱte mẽt́ babon marsala unhạbić abo do̠ kaṛaṅ ńũt ar tayom regebon tahena. Ạkil paṛhaoḱ rege dhạrti ar o̠nto̠r reaḱ mẽt́ doe marsaloḱa. Tin hạbić abo do̠ bud ạkil babon hameṭa un hạbić abowaḱ jio̠n do̠ duk kosṭo̠ ar tạklip rege tahena. Nitạḱ o̠kto̠ ar somae do̠ ạḍi damanaḱ somae kana. Noa dhạrti reaḱ jahan jaega gebon calaḱa ar bon tahena bego̠r ạkil paṛhao̠te do̠ suluk do̠ baṅ gebon ńama. Bud ạkil rege dhạrti ar apnaraḱ oprom ar suluk jaega bon ńama. Bud ạkil tege diso̠m benaḱa ar jo̠to̠ hoṛaḱ gharońje marsala. O̠lo̠ḱ paṛhaotege siń cando leka ar ńindạ ipil ko lekabon benaḱa. Ar goṭa dhạrti oloḱ paṛhaote Ḍigir Marsala. O̠nate abokoren gidrạko school tebon kolko ma ar somaere bhage siknạt ar cạl colon(bebharbon) cet́ ako. Somae do̠ ạḍi damgeya ar aboaḱ jibạn re somae do̠ baṅge ruạṛ hijuḱa. Somae bon dulạṛma ar somae jugleka ạkil paṛhao̠te goṭa disom go̠ṭa dhạrti ar go̠ṭa gharońj bon Ḍigir Marsalma.