Gateń ạri bandhime se Sirjon,

Calaḱ kan okte kocoṛ don.

Bacoe baḍae kan jirạuḱ okoe hõ

Ạjgut samani maraṅ jatra ho.

Sanamage Curmarko boḱdol kan saj,

Sesreko horoḱ joṅkan chanoḱ saj.

Candokin ar ipil alekhage

Saphoret́ kan carkha lekage.

Sermaren ko taṛam taṛam horte

Otren mit́ hõ baṅ, a̠sis se bhorte?

Rajshahi reaḱ Godagaṛi upojilạ re Adibạsi Urạo jạtigusṭi reaḱ 9 goṭen ar pahaṛiạ jạti gusṭi hoṛ koaḱ 4 goṭen Rokkha gola gãota koaḱ seledoḱte bạchri eneć sereń haparao ạḍo jakjomok selet́ hoe purạu akana. Godagaṛi reaḱ 35 goṭen Rokkha gola Ato gãota ko noa bạchri eneć sereń haparaore ko selet́ lena

 “Bred for The world” Germany reaḱ kạuḍi goṛo sohot́te CCBDO- Rajshahi aḱ sapṛaote noa akhṛa do hoe purạuena.Noa akhṛa reaḱ tesar din hiloḱ do Urạ̃o ar pahaṛiạ hoṛkoren Rokkha gola eneć sereń gãotako noa akhṛa redoko selet́ lena. Teheń Robibar Upojilạ reaḱ Deo paṛa Union Sent Joseph Junior High Schoolre noa akhṛa do sapṛao hoelena.

Setaḱre Jạtiạri sereń ar Disom phurgạl jhạnḍi uḍạu talate goṭa din reaḱ  akhṛa kạmi hora reaḱ uḍhạure Maraṅ peṛa lekate selet́e tahẽkana Upojilạ Awamileage ren dạyik  ńam akat́ sabha mukhiạ Abul Kalam A̠zad.

Bises peṛa lekate selet́ ko tahẽkana Deopaṛa union parisod ren Mahila member Kostantina Hasda Pahaṛiạ Baisi Mukhiạ ṛasiạ ren lekha dupuṛuṕić Avilas Biswas, ar pathor ghaṭa Rokkha gola sãota ren mukhiạ Ujir Ekka. Noa akhṛa  ạḱyurre sabha mukhiạ doe tahẽ kana Rokkha gola gãotaren sabha mukhiạ Ojoe Minj. CCBDO seć khon udgạu gapal maraoe dohokeda ona sãotaren ńeljutić ạpis kạmiạić Arif.

Eneć sereń akhṛa haparao re bohoḱ katha do tahẽ kana “Urạ̃u ar Pahaṛiạ hoṛkoaḱ Bapla”. Akhṛa reaḱ noa haparao ren Bicạrok/bachnao ko doko tahẽkana Avilas Biswas, Ranjit Sauria ar sahabuddin Sihab. Eneć sereń reaḱ noa akhṛare Pahaṛiạ horkoaḱ haparaore pạhil ṭhão doko hameṭ keda Napit paṛa Eneć sereń gãota ar mit́te Dosar Ṭhão dokin hameṭ keda Golai ar Ḍaiṅpaṛa. Urạ̃o Hoṛkoaḱ haparao re pạhil ṭhạ̃o doko hameṭ keda Pathor ghaṭa noa chaḍa Dosar ṭhạ̃o do Belḍaṅga ar tesar ṭhão do Sahana paṛako hameṭ keda. Noa akhṛa doe ạḱyur keda CCDBO ren cecet́ić Ạpisar Nirabal Islam ar uni goṛo redoe tahẽkana Manik Ekka.

Source- Sonali RR

Pe hoṛge kanako Football re̠n jhalkaoḱ ipil, mit́ hoṛaḱ katham roṛ lekhan eṭaḱićaḱ katha hõemni tege hijuḱ gea. Ona iạtege toṛe sutạmte tol akan leka pe hoṛ khon tinre mit́ hoṛaḱ ńutum ocogoḱa unre do alga tege hahaṛa ańjomoḱ kana, ar ona rege nit do goṭa dhạrti ren Football duḱlạṛkan ko do ko paṛao akana.

 “The Best FIFA Men’s players” re̠aḱ Siropa lạgit́ mit́ tạlika doe sodor akada FIFA. Khaṭote noa tạlika redo menaḱ koa Bayern Munich   ren Roberto Lewandowski, Juventus  ren  Cristiano Ronaldo, ar Barcelona ren Lionel Messi.

Herel hoṛ serma sirạ Football khilạḍiạ bachaore akoaḱ website re nook pe horaḱ ńutumko sodor akada dhạrti jakat Football khilạḍiạ caḱlao gãota. 11 hoṛaḱ tạlika khon ko bạtil akana Kylian MBappe, Neymar, Thiago  Alcantara  Kevin de Bruyne, Sadio Mane, Sargio Ramos, Mohamed Salah, ar Virgil van Dijk.

Noa chaḍa hõ sirạ goal eset́ko re̠aḱ khaṭo tạlika redo menaḱ koa Alisson Backer, Manuel Neuer ar Jan Oblak. Darakan lukhibar Switzerland reaḱ Zurichre mit́ Virtual akhṛa talate lại jạhir hoyoḱa jitkạr ńam koaḱ ńutum.  

Sirạ Coach re̠aḱ dạṛ reko laha akana Marcelo Bielsa, Hans Dietar Clik ar Jurgen Klopp.

Source_Sonali ME

Ale racare nui loboe sạnḍi

Hanko oṛaḱ khone hećen hạni,

Dinạm setaḱe hiriet́le kan,

Onate ạḍile kusiae kan.

Ale ma celege baṅtale,

Unige racae sajaoet́tale.

Heṛan husnạḱgeye ńeloḱ kan,

Bejãe sajao hõe hara akan.

Mińjge araḱ roc roco docot́tae,

Bohoḱ do onatey sajaoet́tae.

Datrom leka bhala livet́ cupi,

Hãsge laṛaoḱ kan ripi ripi.

Citạr kabar hõ cikãṛ ilkotae,

Ạḍige sanań kan capo baṛae.

Pohrek pohrek hõe kukṛuet́ kan,

Okte pohor geye jạhiret́ kan.

Ote kuḍạm sećreye kukṛuket́,

Eṭaḱ sạnḍi bhalai ataṅ got́ket́.

Raḱ haparaoenakin ạḍi kusige,

Hạni tora nui hõ uni sećge.

Source- Mare Santali Golpo khon tumạlaḱ

Rajshahire hajot duạrre hoelen Baplaić asami koṛa okoe do Godagaṛi upojilạre oṛaḱ tae uni Dilip Khalko do mit́ serma reaḱ jamine em akawadea High court. Teheń Lukhibar 10 December 10, 2020 Bicạr Mukhiạ M Enayetur Rahim ar Biḱcạrić Md. Mostafijur Rahman ́tạkinaḱ High Court Bench noa hukume jạhir keda.

Adalotre jạmin ardas lạgit́ ona sećren Ukile tahẽkana Ad. S M Sahed Choudhuri. Ar Disom sećren Ukile tahẽkana Deputy Attorney General Md. Sarowar Hossain Bappi.

Boeha era hopon sạgại ren mit́ kuṛi sãote dulạṛ dupulạṛ reaḱ ạt ńam kate baplaye reak as em kate hoṛmo reaḱ  helmel sạgạie benao rakaṕleda  Rajshahi Godagaṛi upojilạ reaḱ Choitonnopur atoren Sitanath Khalko ren hopon Dilip Khalko.

Mit́ okte uni kuṛie hamal hoṛmoen khan baplaḱ bae rạji lena uni koṛa. tayomte goṭa join hajot re tahen reaḱ hukumrey  paṛaolena 2012 sermare.

 

Niạko dinre uni asami High Court re jạmin reaḱe  ardas ket́re, ona ardas reaḱ aḱten re Ukile menkeda uni nãhãcar rey paṛaolen uni kuṛi hõ nonḍe menaea unkin bana hoṛge baplaḱ kin khaṛagea, ona tayom Adalot uni asami koṛa ar uni kuṛi tạkin Adalot duạrre bapla kạkin lạgit́ te Rajshahi hajotren Mukhiạ hukum keda.

Maraṅ Adalot noa hukume emket́ khan hajot duạr rege calaoen sanicar hiloḱ 5 tạrik December 10, 2020 tayom bela unkinaḱ baplaye hoe oco keda hajot Mukhiạ, ona tayom noa reaḱ katha cetan Adalote baḍae oco kedea.

Ukil koko baḍae oco akana Dilip Khalko sãote uniren boeha era hoponera tạkin talare dulạṛ reaḱ sạgại tahẽ kana, Bapla reaḱ as emkate 2011 serma reaḱ 25 February uni sãote hoṛmo reaḱ helmele ehoṕkeda Dilip Khalko.

Noate uni kuṛie hamal nhoṛmoen khan Dilip ar uni kuṛi baplae bae rạji lena, Ona tayom ona serma ge 25 October Godagaṛi Thanare Dilip Khalko birudre Beabruk reaḱ mit́ mamla em hoena. Ona mamla tege 2012 sermare Dilip Khalko do goṭa join hajot ar 50 hajar ṭaka  ḍamḍome reaḱ rai hoelena.

Source-Sonali Sonbad

 “Shekh Hasinawaḱ sombat Herel maejiu do soman” noa hoho do Khagṛa choṛi Guimara upojilạ reaḱ goḱṛo ar Mahila Bisoyok mukhiạ kạmiạ koaḱ sapṛaote̠ Begum Rokeya Mãhã ar Dhạrti jakat Maejiu Besulukko teṅgo daram Mãhã 2020 manao gapal marao sabha, Check epem ar Joyita koaḱ Man-Manot emte hoe purạuena.

Teheń Bud hiloḱ 09 December 11 baja okte upojilạ reaḱ gapal marao kandhare noa akhṛa do sapṛao hoe lena.

Upojilạ Nirbahi kormokorta Tushar Ahmed sabha mukhiạ kate upojilạ Mahila bisoyok kormokorta Hasina Akhtaraḱ  ạḱyurte noa sabhare maraṅ peṛa lekate seṭere tahẽkana Guimara upojilạ chairman Usho pru Marma. Noa reaḱ gapal maraore kathae roṛkeda Sinduk choṛi UP Chaieman Redak Marma, ar Haphchoṛi UP Chairman Chai khoai Choudhuri.

Noa okte arhõ seṭerko tahẽ kana Guimara upojilạ muktijoddha komanḍar Mrarasathoi Mog,Guimara Kolej re̠n Mạńjhi haṛam Md. Najim Uddin, noa akhṛare Joyitako man-Manot em selet́ onko tire manot Crest,ar Remra paṛa Mahila Somiti do 50 hajar Ṭaka reak ́ Check ko caladea.

Sodor tahen kana je, Begum Rokeya Mãhã Manaore Guimara upojilạ reaḱ Sindukchoṛi Union khon Anu Marma ar Haphchoṛi Union re̠n Iskul Mahasoe Haph choṛi Union Chairman Chaikhoai Choudhuriren oṛaḱ hoṛ Naũkhre Marma hõ Joyitae ńum uduḱ akana.

Source-Dainik Adhikar

UEFA Champion League group khilạḍre Barcelona ar Juventus tạkinaḱ mit́ groupre gateḱ ńel tạkin lạgit́ Football eneć ńeńelko ạḍi ahkaoḱ reko tahẽnkan tahẽkana. Menkhan Juventus aḱ́ maṭh re̠ Barcelona khilạḍe pheḍoḱ lahare̠ Ronaldo KORONA Virus teye jạbunen khan Messi Ronaldoaḱ ona Football lạṛhại ńel re̠aḱ ạt do baṅ hoe akana. Tobe nit do ona khilạḍ lạṛhại ńel lạgit́ ar jahan muskil do bạnuḱa.

Teheńge ńel ńamoḱa mare barea jao okteren khilạḍ haparao ren kinaḱ lạṛhại. Niạ dhạbićte knock out darja dokin niṭ akada Barcelona ar Juventus, tobe teheńaḱ khilạḍ re̠ak jo tege nirik koḱa group champion do. Teheń Draw len khan Barcelona doe Championoḱa ente uni do niạ laha re Juventus 2-0 goaltey hạr ledea. Ona chaḍa hõ point  hisạb leka te̠ hõ Barcelona do laha rege menaḱ koa (Barcelona 15, Juventus 12)

Source: Dainik Jonokontho

Som hiloḱ (07 December) Hoe daḱ bichnạu ạpisaḱ(Abohaowa Odhidoptor) mucạt́ lại laha khobore menet́ kana uṭar disom sećre kajak kuhṛạ ar thoṛa daḱ sãoe mit́ akana halae halae ritić reaṛ hoe. Noa khạtirte bại bạite rabaṅ do ãṛgo horsoṛoḱ kana goṭa Disomte. Sombar got̠a din don Disom re̠aḱ utạr nakha sećte noa reaṛ rẹaḱ hal tahẽ daṛeaḱa, metaḱme ạyuṕ khon goṭ́a ńindạ ar setaḱ hạbić noa do ạḍi kajakge tahẽn re̠aḱ katha menaḱa.

Moṅgol bar khon Disom re̠aḱ uṭar nakha sãote Disom re̠aḱ ḍher jaega ko reaḱ serma rimil do oṭaṅoḱa ar kuhṛạ hõ komoḱa, tobe noa tayom khon ritić re̠aṛ do arhõ bạṛtiḱ tege tahẽna, utạr nakhare noa reaṛ rẹaḱ ḍhertet́ tahẽna. Calaoen Robibar Naogaon rẹaḱ bodol gachire Disom re̠aḱ joto khon kom urgum ãṭkar(Tapmatra) do tahẽkana 13.8 degree.

Hoe daḱ bichnạu ạpise(Abohaowa Odhidoptor) meneda mit́ sećte lolo komoḱ ar reaṛ bạṛtiḱ são sãote Bȯgopsagorre ehoṕ akana Nimnocap, Noa khạtir gạṅga khon hijuḱ kan lolo hoe karonte nit hõ reaṛ do bae bạṛti daṛe akawada.

Tobe Niạ December candore Boṅgopsagor khon mit́ se barea nimno cap heć daṛeaḱa ar noa mod khon mit́ṭen do birbão hoe hoyoḱ re̠aḱ ko ohmayeda Hoe daḱ bichnạu ạpis (Abohaowa Odhidoptor), Cando re̠aḱ mucạt́ seć Disom re̠aḱ utạr, utạr pạchim ar Disom talamala sećte hisit́ halae reaṛ ritić hoe hijuḱ re̠aḱ hõ ohmaḱ kana.

Hoe daḱ bichnạu ạpis (Abohaowa Odhidoptor) re̠n gạkhuṛ ạpis kạmiạ Abdul Mannane lại keda Moṅgol bar khon do rimil ocoḱ kate rabaṅ ḍher daṛeaḱa. Tobe mit́ bar din tayom Boṅgopsagorre ar mit́ṭen birbão hijuḱ reaḱ ohmaḱ kana, noa khạtir arhõ sermare̠ rimil ar reaṛ kom daṛeaḱa.

Source-Sonali RR

Irạl serma hajot tayom kạd oṛaḱ re̠aḱ phaṭok duạr rege beabruk (Dhorson) mamlaren asami sãote bapla hoyena uni maejiu tuluć,ona okte onḍeye tahẽkana unkinre̠n 8 sermare̠n gidrạ hõ. Noa rạskạre̠ sạṛi ar heṛem lạḍute sanamko ko peṛaket́ koa hajot mukhiạ.

Noa ghoṭona do hoe akana rajshahi rẹaḱ hajotre̠. High court re̠aḱ hukum lekate̠ calaoen sanicar hiloḱ tikin okte hajot bhitrireye tahẽkan kạidi  Dilip khalko tuluć uni beabruk rey paṛaolen maejiuaḱ noa bapla kạmi do hoe purạu akana.

Bapla khạtirte̠ uni bạhu kuṛi são banar gharońjre̠n 14 gan hoṛko kạd oṛaḱre̠ selet́ko tahẽkana ar hõe tahẽkana unkin re̠n 8 sermare̠n mit́t̠en koṛa gidrạ.Ona bapla kạmi re̠aḱ dulil bạhire bạhu jãwãe bana hoṛ kin suhikeda,ona tayom naeki do unkin mala bodol kate unkine joṛao mit́ ket́kina,ona oktere hindu niạm leka bapla re̠aḱ sanamaḱ kạmi doko purạu keda.un rege Senior Jail super do bạhu kuṛi nãwã saṛie dan adea ar banar gharońre̠nko heṛem lạḍue hõe jom oco ket́koa.

Baḍae akana asami Dilip khalko ar uni maejiu do sạgạite boeha era hopon kanakin, unkin do dulạṛ re̠aḱ mit́ okte hoṛmo re̠aḱ bạṛićaḱ hewa rekin bololena,onate un oktere uni kuṛi doe hamal hoṛmolena, menkhan unre Dilip khalko do uni kuṛi dohoye bae reben lena. Tayom te uni kuṛi 2011 sermare̠ 25 October Godagaṛi thanare Beabruk (dhorson) re̠aḱ mit́ mamlae em leda. 2012 sermare̠ Adalot do Dilip khalko goṭa jion (Jabotjibon) kạdre̠ dohoye̠ ar 50 hajar ṭakae ḍamḍom ledea.

2012 sermare̠ uni kuṛi do mit́ṭen koṛa gidrại janam kedea, noa tayom 8 serma paromena, nia serma do onakin banar gharońj reaḱ miljul hoyente ardas tayom kuṛiaḱ hẽḱaḱte̠ adalot do bapla re̠aḱe hukum keda.

Nãwã bapla bạhu kuṛi ase doho kateye men akada bapla re̠aḱ kagocko high courtre kol lekhan jamine ńama Dilip khalko.

Source-Rajshahi Bureau

Hola Sokolbar do Dinạjpur ̠reaḱ Nobabgonj re̠ Ạdibạsi Santal koaḱ mit́ Aḱ Sar Tuń haparao Ạḍi jak-jomok selet́ hoe purạuena.Upojilạ re̠aḱ Golabaṛi Marsal Juạn Gãota ar Khilạḍiạ (Sporting) Gãota noa haparao dokin sapṛao leda.Ạdibạsi santalaḱ apnar sodoroḱ ạricạliko modre̠ Aḱ Sar do mit́t̠en maraṅ cinhạ kan gea.Santal kodo nit hõ Aḱ Sar do akoaḱ bańcaoḱ re̠aḱ ḍhal lekako hudiseda. Noa Akhṛa re̠aḱ etohoṕ rege Upojilạ Ạdibạsi Chairman Norens Murmuaḱ Ạḱyurte gapal marao akhṛa do ehoṕ ena,noa akhṛare̠ Maraṅ peṛa hisạbte seṭere tahẽkana Upojila Nirbahi Officer(UNO) Ms. Najmun Nahar ar Bises peṛa lekate̠ damanaḱ galmaraoe lại cal keda Gram Bikash Kendrore̠n Ạḱyurić Sara Marndi ar Upojila Mahila Vice Chairman Parul Begum. Noa Aḱ Sar tuń haparao Akhṛare̠ mimit́ dol 3 hoṛ kate̠ jotore̠ 16 goṭen Dolko selet́ lena. Noa Haparao re Jahan pur do Pạhil Rajbaṛi do Dosar ar Baṛko ṭola do Tesar ṭhãoe hameṭ keda.

Source- Beautiful Dinajpur.