O̠LO̠Ḱ O̠KTE̠

Santals times re̠ iń do̠ o̠lo̠ḱ o̠kte̠

Disạ kedạń jo̠m ńu re̠aḱ kathako bại bạite̠

Baṅgladisạm re̠ abo manwa jo̠to̠koge

Ae̠ma le̠kanaḱ bon jo̠m ńua jao̠ din rạskạge

O̠ṛaḱ re̠bon jo̠m ńuye̠da daḱ, daka, utu

Dokan re̠do̠ pan, biṛi arhõ ca lạḍu,

Gateko so̠ṅge jo̠m ńu hạnḍi pạura ar tạṛi,cuṭi,

Oṛaḱ re̠do̠ hoyoḱ kana jao̠ge jhogṛa jhạṭi,

Nitoḱ abo ae̠ma le̠ka jo̠m ńu e̠da bon no̠a hana

Jo̠m abon ńu abon ar rạskạ re̠bon tahẽna,

jharna ḍạḍi daḱ le̠ka sapha tahe̠n ma mo̠n o̠nto̠r

Babon kạphariạḱ santal gharo̠ńjre̠ tahenabon sontor,

Alo gebon kạphạriḱa sona santal so̠majre̠

Tul rakap mabon sona somaj sanamko talare̠,

Dhạrtire̠n ho̠ṛko soṅge̠ taṛamabon hara hạri

Jo̠gao̠abon jotonabon aboaḱ santal jạtiạri

KO̠RO̠NA ajarte̠ goće̠n hoṛaḱ le̠khate̠ china ko paromke̠t́ koa Baṅgladiso̠m

Calae̠n se̠rma re̠aḱ December cando khon KO̠RO̠NA virus goṭa dhạrti re̠ pasnao̠le̠na.O̠na virus te̠ china re̠ 4 hajar 734 go̠ṭe̠n hoṛko go̠ćle̠na. Te̠̠he̠̠ń 26 go̠ṭe̠n hoṛko go̠će̠nte̠,go̠ć ho̠ṛaḱ́ le̠khate chinae̠ paro̠m ke̠tko̠a Baṅgladiso̠m.

Baṅgladiso̠m re̠ 24 gho̠nṭare̠ KO̠RO̠NA ajar te̠̠ko jạbune̠̠na 1812 ho̠ṛ, ar mit́ din re̠ ko go̠će̠na 26 ho̠ṛ. IECDR re̠aḱ hisạbte̠ ajar re̠ko paṛao̠̠e̠n ho̠ṛaḱ le̠̠kha do̠ hoe̠na 3 lakh 39 hajar 332 ho̠ṛ ar ko go̠će̠na 4 hajar 759 hoṛ.

24 gho̠nṭare̠ ko boge̠ye̠̠na 2 hajar 512 ho̠ṛ. O̠nko se̠le̠t́ moṭ ko̠ro̠na ajar khon boge akanko do̠ko hoye̠na 2 lakh 43 hajar 155 ho̠ṛ. Te̠he̠ń diso̠m so̠mbat bule̠ṭin re̠ no̠̠a katha ko so̠do̠r keda Sastho Odhido̠pto̠r.

Baṅgladiso̠m re 8 March pạhil KO̠RO̠NA ajarte̠ paṛawakan ho̠ṛ ko ṅamledeya.O̠na 10 din taeno̠m 18 March pạhil KO̠RO̠NA ajarte̠ ho̠ṛe̠ go̠ćle̠na.

Johns Hopkins university aḱ mente KO̠RO̠NA ajarte̠ jạbunen hoṛ ko̠aḱ le̠khate̠ baṅgladiso̠m re̠aḱ Nombor do̠ (obosthan) hoyoḱ kana 15 (gel mõṛe) ar jạbunen ho̠ṛko̠aḱ gujuḱ re̠do̠ 28 no̠mbo̠r.

Jitạu kate̠ no̠a se̠rma haparao̠ ko e̠to̠ho̠ṕ ke̠da Manchester city

Wolverhampton wanderers maṭh re̠ 1-3 goal te jitạukate̠ 2020-21 se̠rma re̠aḱ English premiere league haparao̠ ko e̠ho̠ṕ ke̠da Manchester city.2 hapta laha league haparao̠ e̠ho̠ṕ akan re̠hõ holano̠ḱ ńindạ akoaḱ pạhil khilạḍ ko khilạḍe̠na city. Khilạḍ re̠aḱ e̠to̠ho̠ṕ khonge gạkhuṛ e̠ne̠ć te̠ ạḍi e̠ṭke̠ṭõṛẽ re̠ko do̠ho̠le̠t́ koa wolves re̠n defender ko.khilạḍ re̠aḱ 20 miniṭ re̠ penalty te̠ de Bruyne aḱ goal te̠ ko lahale̠na city. Do̠sar goal lạgit́ hõ aema o̠kte̠ do̠ baṅ lagawat́ koa city.32 miniṭ re̠ Phil foden ńe̠lo̠ḱ le̠kae̠ goal te̠ 0-2 goal te̠ko lahale̠na city. Wolves hõ ạḍi ko kurumuṭue̠t́ kantahẽkana khilạḍ re̠ ruạṛo̠ḱ lạgit́.do̠sar talare̠ wolves se̠ć khone̠ goal ke̠da Jimeneze (74 miniṭ).me̠nkhan 95 miniṭ re̠ Gabriel jisuse goal ke̠t́ khan khilạḍ re̠ ar bako ruạṛ dareada Wolves.

Manchester city re̠ coach (khilạḍ cecet́ić) Pep Guardiolai me̠ne̠da, ạḍi mo̠ńj ko gate akana gidrạko.ạḍi muskil tahẽkana nonḍẹ jitạḱ me̠nkhan jitạu kate haparao e̠ho̠ṕ do̠ ạḍi rạskạ re̠aḱaḱ kangea.

Ạkil Duạr

O̠lo̠ḱ paṛhao̠ baṅte̠

O̠lo̠ḱ p̠aṛhao̠ḱ babon baḍae̠

Khaṭao̠ḱ kanabon kadae kadae̠

Le̠kha jokha baṅ baḍae̠te̠

E̠ṛe̠ ocoḱ kanam hante̠ no̠te̠

Upại baṅte̠ bạḍgu pạṭuṕ

Raṭen birhõ marao̠e̠na

Aṛha kolosaṅ hõ cabae̠na

Ańjom pe̠ho hoṛ hopon

Alom tahen thoroṅ thopoṅ

O̠lo̠ḱ p̠ṛhao̠re̠ lagao̠me̠ mon

Ńam ruạṛam ae̠ma dhon

Dhorom korom suluk dulạṛ

Jhijo̠ḱ tama Ạkil Duạr.

Baṅladiso̠m re̠aḱ KO̠RO̠NA Hạli So̠mbat

Bharo̠t re̠aḱ pạchim baṅgla le̠ka Baṅladiso̠mre̠ arhõ covid-19 ajar nãwãte̠ chạplạuḱ re̠aḱ ko o̠nmane̠da diso̠mre̠n budạnko. Niạ lạgit́ ạḍi kajak husiạr ar niro̠po̠n ho̠ṛmo̠te̠ tahẽ̠n niạm ko manao̠ lạgit́ ko me̠n akada.

Covid-19 jạtiạri Kạrigo̠l so̠so̠lha koaḱ gapalmarao̠ dupuṛuṕ mucạt́re̠ Robbar ńindạ mit́ so̠mbat re̠ niạ kathako baḍae̠ ocoakana.

O̠na committee re̠n Mukhiạ Professor Dr. Mohammad Sohidullah aḱ kol so̠mbatre̠ ko me̠n akada, do̠sar dhao̠ le̠ka diso̠mre̠ ko̠ro̠na ajarte̠ jạbuno̠ḱ re̠aḱ bo̠to̠r me̠naḱa. E̠nte̠ nit do̠ ae̠ma diso̠m re̠n ho̠ṛ hijuḱ calaḱko e̠ho̠ṕe̠na. Ae̠ma diso̠m são̠ ge jo̠po̠ṛao̠ do̠ṛhao̠ḱ kana. Me̠nkhan ho̠ṛko modre niro̠po̠n ho̠ṛmo̠ tahẽ̠n lạgit́ sapha sạphi bako tahẽ̠n kana se̠ so̠nto̠r bako tahẽ̠n kana. Niạko karonte̠ arhõ ko̠̠ro̠̠na ajarte̠ jạbuno̠ḱ re̠aḱ ãc ńe̠lo̠ḱ kana.

Diso̠m re̠ do̠sar dhao̠ niạ ro̠gte̠ko jạbunle̠n khan o̠na te̠ṅgo daram lạgit́ sanam le̠kan be̠bo̠sta hatao̠ re̠aḱ so̠lha sarkarko e̠m akadea covid-19 jạtiạri so̠po̠lha committee. Niạ committee ko̠ro̠na ro̠g biḍạu lạgit́ bạṛtiko me̠ne̠da je̠mon tinạḱ usạra daṛe̠aḱ unạḱ usạra ge bo̠gea.

Calao̠e̠n tho̠ṛa hapta khon ko̠ro̠na ajarte̠ jạbuno̠ḱ ho̠ṛko tho̠ṛa akanre̠ hõ ạḍi napae̠ do̠ bạnuḱbona.

E̠nre̠hõ sarkar haspatal kore̠ ko̠ro̠na re̠aṅ gitićaḱ ko (bed) khạliye̠da, o̠ka ko haspatal re̠ ko̠ro̠na rugiko bako bhurtiye̠t́ko o̠nako haspatal do̠e̠ bond eda sarkar. Me̠nkhan nit hõ ae̠ma rugi kodo̠ko ḍhe̠ro̠ḱ kana. Do̠sar dhao̠ ko̠ro̠na ro̠g chạplạu são̠ são̠ o̠na ro̠g cinhạu lạgao̠ḱa usạra ar cikitsa e̠mako lagao̠ḱa.

Ar hoṛko ce̠hao̠na e̠mako lagao̠ḱa so̠nto̠r tahẽn lạgit́. Bahre̠ diso̠̠m khon he̠ć akan ho̠ṛko Haspatalre̠ se̠ o̠ṛaḱre̠ (home quarantine) re̠ do̠ho̠ ko lagao̠ḱa. Baḍae̠joṅ: niạ ko̠ro̠na ajar te dhạrtire jotokhon bạṛić dosare do̠ko paṛaolena America ar France.

Baṅgladiso̠m re̠aḱ nit o̠bo̠sta napae̠ me̠naḱ re̠hõ darae̠kan ãghãṛre̠ bạrić hoe daṛe̠aḱa me̠nte̠ko amdaje̠da niạ so̠po̠lha committee. Baṅgladiso̠mre̠ pạhil ko̠ro̠na saṕ ńamle̠na 08 march ar pạhil niạ ro̠gte̠ko go̠ćle̠na 18 march. Ho̠la Robbar dhạbićte̠ niạ ko̠ro̠na ajarte̠ ko go̠ć akana 4 hajar 939 ho̠ṛ ar niạ ro̠gte̠ko jạbun akana 3 lakh 48 hajar 926 hoṛ.

Pạhil se̠ć niạ karonte̠ be̠s ke̠ṭe̠ć manao̠ ganao̠ tahẽkan re̠hõ nitoḱ do̠ dhe̠rge ḍhilạu akana. Ar de̠jo̠ḱ gạḍi kore̠ hõ ae̠ma ho̠ṛ re̠t́te̠pe̠t́ ko de̠jo̠go̠ḱ kana. Tinạḱ din calao̠ḱ kana unạḱge sanam le̠kan niro̠po̠n ho̠ṛmo̠ tahẽn ạn do̠ bako manao̠e̠da diso̠mre̠n ho̠ṛko ar ko̠ro̠na ro̠g me̠naḱa se̠ baṅ o̠na re̠aḱ biḍạu hõ bako biḍạu ocoye̠da.

Diso̠m re̠ ko̠ro̠na Antigen test e̠ho̠bo̠ḱ kana

Diso̠m re̠ jo̠to̠ sarkari medical college haspatal, jilạ haspatal, sarkari PCR labroṭory ar jo̠to̠ sastho institute kore ko̠ro̠na Antigen test (antigen bidạu) e̠ho̠bo̠ḱ kana. Go̠ṭa dhạrti re̠aḱ niro̠po̠n ho̠ṛmo̠ são̠ta (WHO) re̠aḱ uduḱaḱ ko pańja kate̠ niạ antigen bidạu re̠aḱ hukum ko e̠mat́koa Sastho ar Poribar Kollan Montronaloi.

17 September 2020 Sastho ar Poribar Kollan Montronaloi niropon ho̠ṛmo̠ bibhag re̠aḱ sarkari stapona 1 odhisakha re̠n Upo socib Dr. Bilkis aḱ suhian Sastho maraṅ ạyurić aḱ mit́ solha sakamre̠ o̠lakana je̠, go̠ṭa diso̠mre̠ antigen biḍạur re̠aḱ jạruṛ me̠naḱa o̠nate̠ tho̠ṛa o̠kte̠re̠ ko̠ro̠na ajar o̠romre̠ niạ biḍạu re̠aḱ ạḍige lạgti. Tobe̠ WHO aḱ uduḱ ḍahar pańjakate̠ diso̠m re̠aḱ sanam medical college haspatal, jilạ haspatal, sarkari PCR labro̠ṭo̠ry ar jo̠to̠ sastho̠ institute kore̠ ko̠ro̠na Antigen test (antigen bidạu) re̠aḱ hukum ko e̠m akana.

To̠be̠ e̠kraṛ (sorto) tahen kana baṅma Sastho Odhidoptor re̠aḱ lab bạṛti idiy kạmi do̠ tojbij kate̠ lahaḱa Covid-19 lab bạisạu kạmiko.

Tanorre Pạurạwante̠ko giriptar kedea Ạdibạsi maejiu

Tanorre̠ 10 se̠r pạurạwante̠ Agosṭina Baske (37) ńutuman mit́ maejiu ko giriptar akadea. Uni do̠ o̠na ṭoṭhare̠n pạurạ ạkhrińić kanae̠.

Ho̠la (20 September 2020) Robibar se̠taḱ Tanore Upojilạ̣ re̠aḱ Mohonpur Kocuạ pukur Sorla paṛa ato khon ko giriptar akadea. Agosṭina do̠ Mohonpur Kocua pukur Sorla paṛa atoren Lal Baske re̠n ho̠po̠ne̠ra kanae̠.

Uniaḱ giriptar kho̠bo̠r sạriaḱ kana me̠nte̠ Tanore thanare̠n Office in charge (OC) Rakibul Hasane̠ lạie̠da- mit́ oko so̠mbat ńamkate̠ Mohonpur Kocua pukur Sorlapaṛa atore pạurạle̠ se̠ndra ke̠da. O̠nare̠ ạyuriće̠ tahẽkana ASI Yeasir Arafat uni do̠ 10 se̠r pạurại ńam akada.

Niạ o̠kte Agosṭina Baske ko ńam kedete̠ko saṕkedea ar court ho̠te̠te̠ Rajshahi jehel re̠ko ko̠lkedea.

Pirthimire Maraṅ Akal hijuḱ re̠aḱe̠ Ohmae̠da Jạtiạri Gão̠ta.

Prithimire̠ maraṅ bo̠to̠r̠an̠aḱ AKAL hijuḱ kana. Jo̠m Ńu re̠aḱ Ạḍi muskil re̠ye̠ paṛao̠ḱa go̠ṭ̠a dhạrti jakat .Kạruṛ kạruṛ Manwako re̠ṅge̠ćte̠ko gujuḱa. Haro̠n ko̠sṭo re̠aḱ samaṅre̠y paṛao̠ḱa manwa são̠ta.KO̠RO̠NA Mãhãmạri e̠to̠ho̠ṕ kho̠n ghane̠ ghuṛige̠ no̠ako babo̠t husiạr do̠e̠ e̠mle̠na dhạrti jakat ‘Jạtiạri Gão̠ta’. Niạ dhao̠ do̠ saphate̠ Manwa são̠ta ao̠dhan re̠aḱe̠ Lại ke̠da.

So̠ko̠l hilo̠ḱ Jạtiạri Gão̠ta Jo̠maḱ Hĩs (Khaddo Odhidoptor) WFO re̠n Mạńjhiaḱ Bhabna se̠le̠t́ gapal marao̠re̠ no̠a kathae̠ jạhir keda. Niạ Gão̠ta re̠aḱ Hudis, nit dhạrtire̠ usạra Go̠po̠ṛo̠ re̠aḱ ti baṅ tiạr le̠khan ko̠m se kom 3 kạruṛ ho̠ṛko do̠ be̠gor jo̠mte̠ko gujuḱa. Bise̠s kaete̠ Aphrika (Africa) ar Dhạrti tala malakore̠ (Moddho pracco) no̠a Akal do̠ bạṛtige ńe̠lo̠go̠ḱa.No̠ae̠ kho̠bo̠r akadae-AFP

Bo̠to̠ranaḱ no̠a halo̠t (obo̠sta) te̠ṅgo daram re̠ Jạtiạri Gão̠ta do̠ nit kho̠nge dhạrti re̠n lạṭu lạṭu kisãṛ ko ṭhe̠n tiye̠ ataṅe̠da. World Food Program (WFP) aḱ ńe̠laḱ (porjobekkhon) le̠kate̠ dhạrtire̠ 27 kạruṛ ho̠ṛko jo̠maḱ haronre̠ko paṛao̠ḱa, No̠nkan halo̠t hoe̠len khan niạ se̠rma re̠aḱ mucạt́ se̠ćge 13 kạruṛ 80 lakh ho̠ṛko jom ńu re̠aḱ okulạn se̠ haro̠n re̠ko paṛao̠ḱa. Niạ muskil o̠kte̠re̠ Jạtiạri Gão̠ta Jomaḱ Hĩsre̠n Maraṅić David Beasley kisạ̃ṛko ṭhe̠n no̠are̠ go̠ṛo̠ e̠m lạgit́ nẽ̠ho̠re̠ do̠ho akada.

Uni do̠e̠ me̠nke̠da, “Bar sãńj (be̠la) mit́ cuput́kate̠ jo̠maḱ be̠go̠rte̠ gujuḱ dạkhilre̠ teṅgo akan onko 3 kạruṛ ho̠ṛko bańcao̠ko lạgit́ se̠rma re̠ kom se kom 490 karuṛ Ḍolar kạuḍi go̠ṛo̠ jaruṛa”

Jạtiạri Gão̠ta Jo̠maḱ hĩs re̠n Maraṅ Mukhiạ arhõe baḍae oco akana, dhạrtire̠ kom se̠ kom 2 hajar Billionior (Mit́ sae kạruṛ ḍolarren mạlik) me̠naḱkoa. O̠nkoaḱ jo̠to̠ dhon/duribko ar go̠ṭa se̠rma re̠aḱ labko (Interest) mit́ le̠khan 8 lakh kạruṛ ḍolar kạuḍi khon hõ bạṛtige hoyoḱa,.

Beasley arhõe̠ me̠nke̠da, No̠a mãhãmạrire̠ ae̠ma ho̠ṛ do̠ kạruṛ kạruṛ kạuḍiko ro̠jgar seko lab akada, jãhãe ge aema kạuḍiko rojgar daṛeaḱa onate̠ ce̠t́ hõ men re̠aḱ do̠ bạnuḱa, menkhan dhạrtire̠n manwakoaḱ no̠a halot do̠ abo aema ho̠ṛge̠ aboaḱ jiṅgire̠ babon ńe̠l akada.

WFP-re̠n Maraṅićaḱ no̠a dạbi e̠ṛe̠ se̠ bhulaḱ do̠ baṅ kana,calao̠e̠n June cando Institute for policy-re̠aḱ reportre̠ o̠l akana,No̠a mãhãmạri e̠to̠hoṕ tayom Amerikare̠n kạruṛan (kotipoti) ho̠ṛkoaḱ dhon/durib kodo̠ saere̠ 19% bhag ḍhe̠r akan takoa (50 hajar kạruṛ ḍolar)

Amajon re̠n Mạlik Jeff bezos aḱ katha ge saṕle̠khan, reporte̠ me̠ne̠da 18 March Amerikare̠ Lockdown e̠ho̠ṕe̠n 11 hapta re̠ Bezosaḱ 3620 kạruṛ dhon durib bạṛtie̠n taea. FACEBOOK –re̠n e̠to̠ho̠ṕić Zuckerberg aḱ dhon duribko ḍhe̠r akan taea 3010 kạruṛ ḍolar,Tesla CEO Elon Musk aḱ́ 1410 kạruṛ dhon durib ḍhe̠r akan taea.

Beasley Me̠ne̠da, O̠ko̠e ṭhe̠n aeama me̠naḱa no̠age so̠mo̠e o̠kte̠ onkoaḱ soroḱ/sor se̠ć hijuḱ re̠ak, no̠ạ ghuṛige ape̠aḱ jạruṛ me̠naḱa, Asolaḱ kạmi uddg re̠aḱ noage so̠mo̠e oktere̠t́ kana.

̕̕WFP o̠laḱe̠ (protibedon)̣ me̠ne̠da Kongore̠ rẹṅgeć sãoko lạṛhại kana 1.5 kạruṛ ho̠ṛ, Nigeri̠re̠ 40-60 lakh ho̠ṛaḱ jomaḱ re̠aḱ jahan ṭhikan bạnuḱa ,Yemenre̠ 30 lakh ho̠ṛ nit hõ reṅgećte me̠naḱkoa,arhõ 20 lakh ho̠ṛko mit́ cuput́ jomaḱ ńam re̠aḱ hokko ada ạḍi usạrage.

Source: AFP

Birganjre̠ Santals Times re̠aḱ so̠po̠lha Bạisi

Ho̠la 19 September 2020 sạnicar ạyuṕbela Dinajpur Jilạ re̠aḱ Birganj jo̠gdo̠l mission re̠ Santals Times ren Sasaṕṛao̠ić teamren mit́ hoṛ Santal O̠no̠liạ, Columnist, Researcher Mano̠tan Mithsilak Murmu do̠ 11 go̠ṭe̠n santal kuṛi-ko̠ṛa são̠ mit́ so̠po̠lha bạisi re̠ye̠ duṛuṕe̠na.

Onko do̠ Santals Times reaḱ katha ańjo̠mkate̠ ạḍiko rạskạye̠na. So̠po̠lhare̠ noako katha rakaṕe̠na:-

Santali pạrsi jiwẽt́ do̠ho̠e̠ do̠ ạḍige̠ jạruṛa.
Apan ạpin aḍepaseren santal boeha miserako ṭhen niạ santals times re̠aḱ katha lại saḍe.
Santals Times lạgit́ jao̠ge o̠lo̠ḱ e̠mo̠ḱ re̠aḱ kurumuṭuea.
Santals Times hara rakaṕ lạgit́ go̠ṛ̣o̠-go̠po̠ṛo̠ e̠mo̠ḱ lagao̠ḱa.

Niạ bạisi re̠ duṛuṕle̠n ko̠ṛa kuṛi kodo̠ sanamge school college re̠ko paṛhao̠ḱ kana.

Dhạrti jakat sirạ Kho̠bo̠riạko mo̠dre̠ Baṅladiso̠mre̠n Ador

Jao̠ se̠rmage Dhạrti jakat Kho̠bo̠r gão̠ta ( Intenational News Media Asociation) (INMA) aḱ kurumuṭu re̠aḱ hĩs le̠kate̠ dhạrti re̠n sirạ 30 go̠ṭe̠n juạn kho̠bo̠riạ koaḱ mit́ tạlikako (list) so̠do̠re̠da. Niạ se̠rma lạgit́ “thirty under thirty Award”re̠aḱ tạlika se̠ Lisṭre̠ jaegar̠ ńam ke̠da Baṅdiso̠mre̠n Ador Rahman.

Ador Rahman do̠ “Dainik Prothom Alo”re̠n são̠ sasapṛao̠ić re̠aḱ dạyikre̠ me̠nae̠a, o̠na chaḍa hõ “Bangla tribune”re̠n kho̠bo̠riạ ar “Bonik barta” re̠n rạskạjoṅ o̠lo̠ḱiće̠ hisạbtey kạmi akada.

E̠ken 20 se̠rm̠a ume̠rre̠ são̠ sasapṛao̠ićaḱ dạyik re̠ye̠ dhurạu le̠na nui Ador Rahman, niạ re̠aḱ 2 se̠rm̠a tayo̠mge̠ 71 aḱ “Cannes cinema “ re̠aḱ po̠ro̠b re̠ kho̠bo̠riạ hisạbte̠ calao̠le̠na, Aso̠lte̠ Baṅladiso̠mre̠n pạhil maejiu kho̠bo̠riạ hisạbte̠ France re̠akDamanaḱ no̠a po̠ro̠bre̠ye̠ se̠le̠t́le̠na.

Cannes po̠ro̠bre̠ Ador Rahmanaḱ ńum uduḱ kạmi do̠ tahẽkan taea mit́ṭe̠n cecet́ić so̠ṅge̠ gũṭ kathako(Protibedon) be̠nao̠, uni do̠ be̠go̠r ṭikiṭte̠ 100 mail taṛam kate̠ no̠a po̠ro̠b ńel lạgit́e̠ he̠ćle̠na.

20 Diso̠mre̠n 30 ho̠ṛko modre̠ ce̠tanre̠ ṭhạ̃ie̠ ń̠am ke̠da Ador Rahman. Lahanti se̠ć mohnḍa akan diso̠mren mit́ṭe̠n maejiu hisạbte̠ Cannes po̠ro̠bre calaḱ ar Gũṭ katha be̠nao̠ (Protibedon) do̠ ać lạgit́ mit́ṭe̠n maraṅ hame̠ṭ me̠nteye̠ mo̠ne̠ye̠da, uni do̠ aćaḱ no̠a bhage hame̠ṭ joṅ re̠aḱ ḍahar saṕ do̠ho̠ ar Baṅladiso̠m re̠aḱ khobo̠r sakamre̠n sanam khon ce̠tanre̠ tahẽn ńe̠ńe̠l sanaye̠de̠a.

Uniaḱ mo̠ne̠ do̠ jele̠ka no̠a kạmi do̠ pe̠rao̠ḱ se̠ lahanti talate̠ calao̠ḱa, o̠nare̠ nonḍe̠ do̠ nãwã jionan ar hudisko re̠aḱ jạruṛ me̠naḱa, Uni apnar do̠ no̠a hudisaḱ re̠n karigo̠l hoyo̠ḱ re̠aḱ mon me̠naḱ taya. Ador doe̠ me̠ne̠da “iń do̠ jo̠to̠ sanam haparao̠, sanam e̠ṭke̠to̠ṛẽ, ar sanam lekan akoṭaḱ ińaḱ mit́te̠n ạt mente̠ń hatao̠a.

-Sorce: Banglar Jonopod